FUTBOLL - KATEGORIA E PARE

Ka ardhur humbja e parë për skuadrën koplikase pas 5 javësh kampionat. Dje, Veleçiku është mundur në Peshkopi nga Korabi vendas me rezultatin 1-0. Goli i shënuar që në minutën e 7-të nga vendasit, nuk është barazuar për asnjë moment nga koplikasit që vazhdojnë të kenë probleme në sulmin e tyre.

Për të tretën herë rresht skuadra e Adës nuk arrin të fitojë në fushën e saj në këtë kampionat, në po aq ndeshje të luajtura. Por nëse me Besën dhe me Gramshin, të paktën ajo ka arritur të shënojë, dje nuk e ka bërë këtë gjë sepse lojtarët e saj nuk kanë mundur ta gjejnë dot rrugën e rrjetës. Ndaj Kukësit ka qenë një ndeshje shumë interesante për vetë pozitat e të dy skuadrave në tabelën e renditjes.

Ada është ndalur në Elbasan javën që shkoi megjithatë sipas drejtuesve dhe futbollistëve të saj, ata nuk e kanë merituar humbjen. Edhe goli i pësuar, sipas tyre ka qenë tërësisht pozicion jashtë loje megjithatë tashmë ajo është një histori e kaluar pavarësisht se nuk e dëshironin atë humbje, për të vazhduar serinë e rezultateve të pathyeshmërisë së tyre. por nga dita e nesërme, ata kanë mundësi të nisin një histori tjetër me ndeshje të tilla.

Është i vetmi lezhjan në formacionin bazë të Besëlidhjes, por kjo skuadër funksionon si një e tërë dhe një fenomen i tillë, i “dyndjes” së “jabanxhinjëve”, nuk ndihet fare. Dhe këtë e thotë me shumë forcë, bindje dhe argument Mirsad Gruda, një nga pikat më të forta të kësaj skuadre, prandaj duhet besuar më shumë se askënd tjetër për këtë fakt. Jo vetëm ky pohim i këtij futbollisti me eksperiencë, por këtë skuadra e Besëlidhjes e ka treguar më së miri deri tani, edhe me rezultate, e cila jo rastësisht ndodhet në vendin e parë të kampionatit të Kategorisë së Parë.

Ka mjaftuar një gol I shënuar nga pika e 11-metërshit me autor Haris Likën dhe Velecciku I Kolikut më në fund gjen fitoren e parë në këtë kampionat. Ai e ka dërguar topin në rrjetë në minutën e 30-të të ndeshjes pas një penalltie të fituar nga vetë ai dhe I ka dhënë tre pikë shumë të çmuara skuadrës së tij. Ky 11-metërsh në fakt u kontestua nga skuadra mike megjithatë gjyqtari Kaimi ka qenë I vendosur në vendimin e tij. Pas këtij goli, dyja skuadrat janë përpjekur për të shënuar edhe gola të tjerë por nuk ia kanë arritur dot. Edhe në pjesën e dytë ka patur raste por pa sukses sepse gol tjetër nuk ka patur.

Veleçiku- Sukthi 1-0

Pavarësisht se ka luajtur mirë edhe në Elbasan, këtë herë, Ada nuk ka arritur të dalë me pikë nga ndeshja. Ajo është mundur 0-1 me një gol të shënuar nga Hila në minutën e 58-të por të gjitha komentet që vijnë nga Elbasani, bëjnë të ditur se velipojakët kanë luajtur mjaft mirë madje në fund të ndeshjes ata kanë patur dy raste të pastra shënimi por nuk ia kanë dalë dot.

Ervit Jacaj ka rezultuar sërish protagonist për skuadrën e Besëlidhjes. Ai ka shënuar edhe dje në ndeshjen ndaj Sarandës duke i dhënë tre pikë të tjera të rëndësishme skuadrës lezhjane e cila vazhdon të kryesojë renditjen e kategorisë së parë me 13 pikë.

Ndonëse nuk është hera e parë, që përballet me të shkuarën e tij, gjithsesi sa herë, që vjen puna për Elbasanit, futbollisti shkodran, tashmë pjesë e adës së Velipojës, Safet Osja i kujton me shumë nostalgji dhe respekt ato dy sezone, ku në sezonin e parë si verdheblu, ai u shpall nënkampion dhe në të dytin “kampion” i vendit.

Javën, që kaloi Besëlidhja vërtetë mori një pikë shumë të çmuar në Lushnjë, por trajneri i lezhjanëve i bën thirrje gjithë skuadrës së tij se nuk ka vend për eufori. Madje ai thekson faktin se ekipi, që po drejton, por bën vetëm detyrën dhe asgjë më shumë. Këtë e ka cituar vetë tekniku Ridvan Kulli. Për kreun e pankinës së Besëlidhjes, ky ekip ka ardhur duke u konsoliduar ndeshje pas ndeshjeje, por që i mbetet shumë piunë për të bërë. “Është vlereësuar nga të gjithë, si shumë pozitive marrja e pikës, në barazimin 1-1 me Lushnjën, javën që kaloi. Natyrisht, që është e tillë, pasi ekipi lushnjar, ka në përbërje lojtarë shumë cilësor dhe ka një traditë, që tashmë dihet. Dikujt i ngjan edhe si fitore kjo pikë e marrë në Myzeqe, ndërsa për mua, Besëlidhja po bën vetëm detyrën që i takon.

Edhe pas javës së pestë të Kategorisë së Parë, Ada e Velipojës vazhdon të jetë në vendin e dytë të renditjes. Është skuadra, e cila deri tani, që nuk ka njohur asnjë humbje, duke koleksionuar dy fitore dhe tre barazime. Por duke nisur nga java e gjashtë, velipojakët do të fillojnë të përballen me kundërshtar, të ashtëquajtur të “frikshëm” apo të denjnë për t’i sjellë humbjet ekipit të Adës. Elbasani do të ndeshjet, në fushën e vet, ditën e shtunë, me skuadrën e drejtuar nga Samuel Nikaj, që përveç synimit për të marrë fitoren, ku verdhebluve të Ilirjan Files u duhet për objektivat e tyre, njëkohësisht kërkojnë edhe të thyejnë “tabunë” Ada, që është e vetmja, që nuk njeh humbje deri tani, në këtë kategori. Por trajneri i këtij ekipi Nikaj, duke njohur mirë vlerat e grupit të lojtarëve, që stërvit çdo ditë, shprehet se nuk i frikësohet asnjë skuadre, brenda apo jashtë, por nëse bëhet fjalë për “frikë”, atë mund ta gjejë vetëm në radhët e veta, nga vetëkënaqësia.