FUTBOLLI I FEMRAVE

Janë caktuar çiftet gjysmëfinaliste të Kupës së Shqipërisë në futboll për femra. Ato do të jenë Vllaznia- Tirana AS dhe Juban Danja- Kinostudio. Këto ekipe i kanë kaluar pa problem kundërshtarët e tyre në çerekfinale dhe vetëm në ndeshjen Tirana AS- The Door ka patur deri diku rivalitet. Skuadra kryeqytetase ka fituar me rezultatin 3-1 dhe është kualifikuar për në turin tjetër të këtij kompeticioni. Në të tjerat, gjërat janë përcaktuar shumë shpejt. Në ndeshjen Juban Danja- Apolonia, skuadra e drejtuar nga trajneri Shpëtim Rama ka fituar me rezultatin e thellë 14-0 duke treguar se si fituese në fuqi e këtij trofeu, don të thotë fjalën e vet edhe këtë sezon.

Skënderbeu-Vllaznia 55-60 (21-17,12-13,11-12,11-18
Vllaznia fiton ne transferte me Skenderbeun.Me rezultatin 55-60 ne nje ndeshje qe duhet thene ka pasur emocione nga fillimi I deri ne fundin e saj.Kjo padyshim per merite te te dy ekipeve,shume me teper te vajzave shkodrane te cilat kane qene ne gjendje ta kthejne lojen ne favorin e tyre atehere atehere kur duhej.Loje e cila duhet thene se ka qene nga me te mirat e shkodraneve te koshin kete sezon,megjithese trajneri Rajmond Rasha ka mendimin se ajo me Tiranen ka qene shume here me e mire.

Vllaznia në futboll për femra ka arritur një tjetër fitore në kampionat, këtë herë ndaj Shkëndisë së Durrësit me rezultatin 5-1. Ndeshja është luajtur paraditen e sotme në fushën sportive “Reshit Rusi”  dhe ndonëse skuadra shkodrane ka luajtur thuajse me formacionin e saj të dytë, ajo ka dominuar ndaj kundërshtarit. Kanë asistuar në këtë ndeshje përveç presidentit të ekipit Lazer Matija, edhe drejtuesit e lartë të klubit Fatos Gjyrezi, Armir Grima e Ismet Hoxha. I pranishëm në këtë ndeshje ka qenë edhe shefi I sektorit të futbollit të femrave pranë Federatës Shqiptare të Futbollit Endi Hyka që ka deklaruar se nga viti në vit ka rritje të nivelit të kampionatit.

Me fitore e kanë mbyllur dy skuadrat shkodrane të futbollit të femrave, Vllaznia e Juban Danja javën e pestë të këtij kampionati. Vllaznia ka fituar thellësisht në Shkodër ndaj Apolonisë me rezultatin 11-0 ndërsa Juban Danja ka mundur në Durrës, Shkëndinë vendase me rezultatin 5-1. Në të parën nuk ka patur shumë histori teksa ka patur edhe goleadë madje rezultati mund dhe duhej të kishte qenë shumë më i thellë. Kanë shënuar edhe dy kamerunaset e kësaj skuadre, Bebey tre gola dhe Ada dy gola ndërsa golat e tjerë kanë patur për autore Grudën me dy gola, Doçin, Hoxhën, Mujen dhe Lazrin.

Vllaznia në futboll për femra ka prezantuar sot tre blerje të reja. Bëhet fjalë për tre futbolliste të kombëtares së Kamerunit që do jenë tashmë pjesë e skuadrës shkodrane. Prezantimi i tyre është bërë paraditen e sotme në zyrat e klubit nga dy drejtuesit e lartë të tij Fatos Gjyrezi dhe Armir Grima si dhe nga presidenti i këtij ekipi, Lazër Matija. Ka qenë ky i fundit ai që ka folur i pari duke shpjeguar edhe arsyet pse janë bërë këto përforcime.

Skuadra kampione e Shqipërisë në futbollin e femrave, Ada e Velipojës, pasditen e së sotme do të niset drejt Sllovenisë ku do të zhvillojë ndeshjet kualifikuese për Ligën e Kampioneve. Siç dihet, në bazë të shortit të hedhur, ndeshjet e këtij grupi ku përveç Adës bëjnë pjesë edhe ekipet kampione të Polonisë, Bjellorusisë dhe Sllovenisë, do të zhvillohen në datat 8-13 në qytetin Primorje të Sllovenisë. Në kampin velipojak tashmë gjithçka është gati për këto ndeshje. Presidenti Lazër Matija ka kompletuar ekipin me bazën e duhur materiale dhe po ashtu është siguruar gjithçka edhe sa I takon udhëtimit. Nga ana tjetër edhe trajneri Selami Pepaj e ka bërë gati skuadrën.

Dy ndeshjet miqësore me ekipin kampion të Malit të Zi në futbollin e femrave, Ekonomist të Nikshiqit kanë dhuruar një barazim dhe një humbje për kampionen tonë, Adën e Velipojës. Të dy ekipet janë duke u përgatitur për ndeshjet e Ligës së Kampioneve që zhvillohen në muajin e ardhshëm dhe për këtë arsye, kanë dashur të testojnë veten se ku janë me përgatitjet. Ndeshja e parë miqësore është luajtur  të martën në Shkodër në mes dy ekipeve kampione të futbollit të femrave të Shqipërisë dhe Malit të Zi, Adës së Velipojës dhe Ekonomist e Nikshiqit, e fituar 5-2 nga kjo e fundit, tregoi disa dobësi tek skuadra jonë kampione. Kryesisht në repartin e mbrojtjes por edhe në portë. Megjithatë dje ka qenë histori krejt tjetër.

Ndryshime të shumta tek ekipi nënkampion i Shqipërisë dhe fitues i kupës së Shqipërisë në futbollin e femrave Juban Danja në prag të sezonit të ri futbollistik. Ndonëse stërvitja ende nuk ka filluar me ritmin e plotë, ajo zhvillohet rregullisht. Madje ky ekip nuk e ka ndërprerë për asnjë moment teksa ka zhvilluar edhe miqësore të ndryshme gjatë kësaj periudhe. Por ndërkohë pritet që në sezonin e ri kjo skuadër të mos ketë të njëjtën përbërje si një sezon më parë. Me shumë të ngjarë disa prej futbollisteve kosovare që kanë qenë pjes ë esaj në sezonin e shkuar, nuk do jenë më në përbërje të këtij ekipi. Po ashtu edhe kapitenia e ekipit tonë kombëtar Aurora Seranaj është rikthyer tek Tirana AS. Në kushte të tilla, pritet edhe njëherë një organizim tjetër i këtij ekipi kryesisht me vajzat shkodrane.

Për herë të parë në historikun e futbollit të femrave në Shqipëri, Federata Shqiptare e Futbollit ka vendosur të zhvillojë edhe finalen e Superkupës. Trofe ky që ashtu si në futbollin e meshkujve zhvillohet në mes ekipit që ka dalë kampion I vendit një sezon më parë dhe ekipit fitues të Kupës së Shqipërisë. Edhe koha kur zhvillohet kjo finale është thuajse e përcaktuar, që do të thotë se luhet zakonisht një javë përpara nisjes së kampionatit. Përderisa, kampionati kombëtar I femrave nis në mesin e shtatorit, finalja e Superkupës është caktuar të zhvillohet në javën e parë të këtij muaji. Në finale siç dihet do jetë sërish derbi shkodran, ai në mes Adës së Velipojës që ka fituar titullin kampion në sezonin e fundit dhe Juban Danjës, skuadrës fituese të Kupës së Shqipërisë. Këto janë dy skuadrat më të mira të vendit në futbollin e femrave dhe prandaj pritet që të jetë një ndeshje shumë interesante.