KATEGORIA E DYTE

Një fitore me shumë vlerë ka arritur skuadra e Adës në ndeshjen e rradhës për kampionat. Ka arritur të fitojë në kryeqytet me rezultatin 3-2 ndaj "Partizani B". Një fitore që mund të ketë çuditur jo pak të tjerët por jo futbollistët dhe stafin teknik të velipojakëve që kishin udhëtuar drejt kryeqytetit me objektivin e qartë për të mos u kthyer pa pikë.

Pankina e Adës nuk po gjen rehatinë e duhur këtë sezon. Largimi i Ersi Çakut nga pankina e Adës u shoqërua me emërimin e Etrit Nikës në këtë post por edhe ai nuk ka vazhduar gjatë. Madje, në ndeshjen e fundit me Klosin, mësohet se ky trajner nuk ka qenë në pankinë dhe skuadra është drejtuar nga drejtori teknik Kujtim Shaba.

Velipojakët prisnin të arrinin fitoren e tyre të tretë në kampionat por janë befasuar ndaj Klosit. Duke luajtur në fushën sportive "Adriatik", Ada është mundur nga miqtë me rezultatin 2-3. Ndoshta askujt nuk ia merrte mendja për një rezultat të tillë. Ka qenë ekipi i Klosit që ka shënuar dy herë brenda pjesës së parë dhe kjo krijoi një problem për vendasit megjithatë ata gjejnë forca dhe në minutat e fundit të pjesës së parë, arrijnë të ngushtojnë shifrat me anë të sulmuesit Galica. Kjo pjesë u mbyll në shifrat 1-2 për Klosin.

Tek skuadra e Adës ka ndryshime në pankinë. Trajneri që e drejtoi atë deri në javën e kaluar ka qenë Ersi Çaku. Por ky i fundit tashmë nuk e mban më një post të tillë. Arsyeja është se ai njëkohësisht drejton edhe një ekip moshash tek "AAS". Në këto kushte, nuk ka mundur dot të vazhdojë t'i bëjë të dyja punët njëkohësisht dhe ka vendosur të largohet.

Ditën e sotme janë luajtur ndeshjet e javës së dytë të kategorisë së dytë. Në këto ndeshje spikat fitorja e dytë rradhazi e ekipit të Veleçikut të Koplikut. Në ndeshjen e luajtur në fushën e kompleksit sportiv "Duli", koplikasit kanë fituar me rezultatin 2-0. Me këtë fitore, ata janë ngjitur në krye të tabelës së klasifikimit me pikë të plota- 6 dhe konsiderohen ndër ekipet pretendente për t'u ngjitur në kategorinë e parë.

Lajmi për rikthimin e tij në fushën e blertë ka bërë disi bujë. Albert Kaçi vendosi që për një moment të shkëputet nga puna me ekipin e Akademisë Vllaznia ku punon si trajner dhe të luajë me fanellën e Adës në ndeshjen e javës së parë të kampionatit të kategorisë së dytë ku i shënoi dy gola Kevitanit duke i dhënë fitoren 2-0 velipojakëve.

Kërkesa e drejtuesve të Adës për t'i luajtur ndeshjet e këtij sezoni në fushën sportive "Adriatik" të Velipojës është miratuar nga FSHF dhe për këtë arsye, takimi i sotëm me Kevitan do të zhvillohet pikërisht aty. Ndeshja do të nisë në orën 14.30 dhe padyshim që velipojakët do të kërkojnë ta nisin me fitore.

Ish- sulmuesi i Vllaznisë së viteve '2000, Albert Kaçi, është rikthyer të luajë futboll. Ndonëse në moshën 36 vjeçare, ndonëse bën edhe punën e trajnerit tek Akademia Vllaznia, ai sërish nuk e ka hequr mendjen nga futbolli i luajtur dhe ftesës së mikut të tij Ersi Çaku që drejton Adën, i është përgjigjur pozitivisht.

Kampionati i kampionatit të kategorisë së dytë do të startojë këtë të dielë dhe Ada sipas kalendarit do të presë në fushën e vet ekipin Kevitan. Nëse sezonin e kaluar velipojakët i kanë zhvilluar ndeshjet në fushën sportive "Reshit Rusi", sivjet duket se gjërat kanë ndryshuar. Drejtuesit e kësaj skuadre i kanë bërë një kërkesë zyrtare Federatës Shqiptare të Volejbollit për t'i luajtur ndeshjet në fushën sportive "Adriatik" të Velipojës.

Periudha e vështirë që ka kaluar së fundi Ada e kishte vënë në pikëpytje pjesmarrjen e saj në kampionat në sezonin e ri. Por në fakt, velipojakët jo vetëm janë rregjistruar në kampionatin e kategorisë së parë por po bëhen gati për ndeshjen e parë të tij, atë që do të luajnë të dielën ndaj Kevitan.