KATEGORIA SUPERIORE

Pas krahut të djathtë, Vllaznisë mund t’I shkatërrohet edhe I majti I mbrojtjes. Kjo ngaqë pas largimit të Dritan Smajlit që ka luajtur më parë në të djathtë të këtij reparti, shumë pranë largimit duket edhe Antonio Marku që ka luajtur në krahun tjetër. Destinacioni I tij I ardhshëm duket se do jetë Tirana. Burime pranë lojtarit bëjnë të ditur se ai ka kontaktuar me trajnerin Nevil Dede dhe administratorin Krenar Alimehmeti dhe tashmë çdo gjë është thuajse e kryer. Ka mbetur vetëm firmosja e kontratës dhe të hënën pasdite 21 vjeçari shkodran mendohet të zhvillojë stërvitjen e parë me bardheblutë. Kjo bëhet punë e kryer tashmë dhe mbetet vetëm realizimi I kësaj transferte. Me largimin edhe të këtij futbollisti, Vllaznia humb një tjetër lojtar dhe kaosi tek ajo duket se shtohet edhe më tepër. Në vend që të vijnë përforcime në merkato, lojtarët vazhdojnë të largohen nga Shkodra dhe ky nuk është një sinjal I mirë për drejtuesit e saj.

Pavarësisht premtimeve të presidentit Agron Çela se gjërat janë në rregull, ajo që duket qartë është se Vllaznia është shumë e vonuar në merkato. Për të ndërtuar një ekip pretendent për titullin kampion siç thuhet, natyrisht që do duhen lojtarë sa më cilësorë dhe ato tek kjo skuadër aktualisht mungojnë. Pretendohet për të marrë Gilman Likën dhe Erjon Vucajn por asnjëri futbollist nuk e ka ndarë ende mendjen nëse do vishet kuqeblu apo jo. Madje, nën zë, ato vetë e kanë pranuar se Vllaznia do jetë opsioni I fundit për ta ngaqë fillimisht do kërkojnë të gjejnë një ekip për të luajtur në Europë. Aktivizimi I tyre me Skënderbeun dhe me Laçin në Kupat e Europës, do t’u japë mundësinë atyre të tregojnë veten përballë syve të menaxherëve të ndryshëm apo dhe drejtuesve të klubeve europiane apo më gjerë.

Pas një lodhje të tejskajshme prej 4-5 muajsh, me futbollin por më së shumti me fushatën elektorale, Agron Çela I ka dhënë vetes një kënaqësi të vogël. Të pushojë për 4-5 ditë diku jashtë vendit. Biznesmeni I sapozgjedhur deputet në parlamentin e ardhshëm, ka zgjedhur të pushojë disa ditë. Ai vetë nuk ka preferuar të japë vendin se ku do shkojë bashkë me familjen e tij megjithatë nga ana tjetër ka bërë të ditur se koha për të pushuar nuk do jetë e gjatë. Vetëm 4 pikë. Kjo ngaqë atë e prêt një tjetër “fushatë” e vështirë. Këtë herë jo elektorale por ajo e futbollit për të ndërtuar një Vllazni pretendente për titullin kampion, ashtu siç ka premtuar prej kohësh. Pikërisht para nisjes për në pushime, presidenti Çela ka zgjedhur të ketë një takim me gazetarët për t’u bërë të qartë edhe atyre se çfarë ka ndër mend të bëjë dhe cilat janë projektet e tij të ardhshme.

Gjatë gjithë kësaj periudhe ka qenë në stërvitje me Teutën në Bullgari për t’u përgatitur për ndeshjet e Europa League. Ansi Nika kësisoj ka qenë shumë I përqendruar tek dhënia e maksimumin në çdo seancë stërvitore apo dhe në katër ndeshjet miqësore që janë zhvilluar. Megjithatë edhe gjatë këtyre ditëve, ai sigurisht që e ka patur një sy edhe nga merkatoja. Duke qenë pjesë e një prej ekipeve më të mira të kampionatit, duke qenë nga Shkodra, sigurisht që ai do kishte edhe oferta. Apo dhe dëshira për të luajtur në skuadra cilësore. Mesfushori 23 vjeçar në fakt pëlqehet edhe tek Vllaznia paçka se deri në këto momente asnjë nga drejtuesit e saj nuk I ka bërë një ofertë. Mungesën e një oferte zyrtare nga kuqeblutë e ka konfirmuar dje vetë Nika në një prononcim të tij për gazeten kur ka thënë:

Sot në Shqipëri do të votohet. Për parlamentin e ardhshëm, për qeverinë e re dhe shumë gjëra të tjera. Por vota e sotme, ndonëse është votë politike, ka lidhje të ngushtë edhe me sportin. Veçanërisht me Vllazninë. Themi kështu ngaqë presidenti I saj Agron Çela do jetë pjesë e këtyre zgjedhjeve dhe do kërkojë votën e banorëve të Qarkut Shkodër. Duke kandiduar si I pari në listën e LSI-së për këtë Qark, ka shanse të mëdha të fitojë. Aq më tepër pas fushatës model që ka zhvilluar. Por më shumë rëndësi sesa fitoi apo humbi duket se ka e ardhmja e skuadrës shkodrane. Deri më sot thuajse nuk ka asnjë lëvizje tek ajo. Drejtuesit kanë qenë në fushatë dhe askush nuk e ka patur mendjen të kryejë punë me Vllazninë. Janë zhvilluar shumë bisedime, shumë fotografi dhe shumë premtime megjithatë realisht nuk ka asnjë lëvizje deri tani. Në një takim që vetë presidenti Çela ka patur me njerëzit e futbollit, ua ka bërë të qartë se përse e kërkonte votën e tyre.

Fushata elektorale e sivjetme që tashmë po shkon drejt fundit, do të mbahet mend për angazhimin e madh të njerëzve të sportit në të. Janë jo pak njerëz të cilët janë në listën e kandidatëve ose po bëjnë fushatë për parti të ndryshme politike. Diçka shumë interesante në fakt sepse këto njerëz të sportit duke qenë të pranishëm në listat e partive politike (sidomos ato kryesoret) I kanë bërë drejtuesit e tyre të bëjnë investime në sport. Dhe kjo vlen më shumë se çdo gjë tjetër. Premtime për ndërhyrje në stadiumin “Loro Boriçi”, ndërtimi I një kompleksi të ri sportiv, ndërhyrje në pistën e atletikës apo dhe ndërtimi I tre fushave të futbollit, janë disa nga premtimet e bëra gjatë këtyre ditëve nga liderët e këtyre forcave politike.

Pas Bozhoviç zyrtarizohet edhe largimi I një tjetër futbollisti malazez nga ato që kishin firmosur pak kohë më parë për Vllazninë. Bëhet fjalë për Ivan Novoviç. Ashtu siç kishim shkruar edhe në numrin e djeshëm të gazetës sonë, ky futbollist ishte në bisedime me drejtuesit e ekipit moldav Dacia të Kisinaut. Ndërkohë në orët e mbrëmjes së djeshme portali malazez cg-fudbal.com do të  zyrtarizonte këtë kalim. “Zyrtare, Novoviç firmos për Dacian”- shkruhej në të.në shkrimin e këtij portali bëhej e ditur se ka qenë një marëveshje në mes klubit të Zetës që ka kartonin e futbollistit dhe atij Dacia për të bërë këtë lëvizje.

Ky është një tjetër premtim I presidentit të Vllaznisë Agron Çela. Ai me shumë mundësi ka arritur një akord paraprak me Gilman Likën dhe mesfushori më I mirë ndoshta I kampionatit shqiptar, në fund të muajit korrik do kthehet tek Vllaznia. Lajmi bëhet I ditur nga vetë numri 1 I klubit shkodran. Në një prononcim për “Gazeta e Sportit”, ai ka thënë: “Krejtësisht nuk mund të quhet punë e kryer firmosja e kontratës por thuajse gjithçka është zyrtarizuar. Me Gilmanin kam biseduar gjerë e gjatë dhe kemi arritur në një pikë ku ka mbetur për t’u diskutuar edhe ndonjë detaj I fundit I kontratës së re. në këtë mënyrë, menjëherë pasi ai të mbarojë angazhimin e tij me Skënderbeun në Ligën e Kampioneve, do të ulemi për të mbyllur gjithçka dhe për të firmosur kontratën e re.

Shkresa e FIFA- s për t’I paguar malazezit Gavrilo Petroviç shumën e 8200 eurove të prapambetura, nuk është e vetmja në klubin Vllaznia. Nëse nuk kanë ardhur deri tani, ato mund të mbërrijnë shumë shpejt. Janë disa futbollistë të huaj që kanë luajtur me këtë skuadër dy sezone më parë, të cilët në momentin e largimit nga Shqipëria, nuk janë likujduar plotësisht nga klubi shkodran. Arsyeja ka qenë pakënaqësia e drejtuesve të këtij të fundit me formën e treguar dhe në shenjë zemërimi me to, I kanë larguar pa I likujduar plotësisht. Madje, pa u ulur fare në bisedime me to për të gjetur gjuhën e përbashkët dhe arritjen e një marrëveshje për likujdimin në një mënyrë a në një tjetër të borxheve ndaj tyre. Futbollistët të përfaqësuar nga përfaqësuesit e tyre ligjor, I janë drejtuar FIFA-s e cila sigurisht që u jep të drejtë.

Lajmi I publikuar ditën e djeshme në “Gazeta e Sportit”  në lidhje me kaosin financiar që mbizotëron aktualisht tek Vllaznia, e ka bërë të reagojë presidentin e saj Agron Çela. Në një prononcim për mediat, ai ka sqaruar gjithë situatën madje duke shigjetuar jo pak edhe Bashkinë Shkodër për bllokimin e një fondi të miratuar kohë më parë nga Këshilli Bashkiak. Në lidhje me këtë çështje ai ka thënë: “Nuk mendoj se kemi të bëjmë me një kaos financiar tek Vllaznia siç mund të ketë dalë në media gjatë këtyre ditëve. Thjesht ka një pengim të lëvrimit të një fondi akorduar nga Këshilli Bashkiak Shkodër për klubin e futbollit Vllaznia në degën e Thesarit. Bëhet fjalë për një shumë prej 50 milionë lekësh e miratuar dhe që ende nuk është lëvruar nisur nga fakti që është kohë zgjedhjesh dhe gjithçka është e bllokuar gjatë këtyre ditëve. Me mbarimin e zgjedhjeve, besoj se Brenda pak ditësh, çdo gjë do marrë zgjidhjen e duhur.