FUTBOLL

Tekniku I ekipit të Vllaznisë, Artan Bushati, në dajlen e tij para mediave para takimit me Tiranën, ka vlerësuar në maksimum këtë takim. Ai nuk e ka vlerësuar këtë nga rëndësia e pikëve, por nga vlerat që mbartin të dy skuadrat. Për teknikun një fitore në Tiranë do të vlejë për të mbyllur edhe njëherë  “gojët e liga”, përsa I përket tolerimeve. Ndërsa tekniku është I prerë teksa thekson se fundi is ezonit do të gjejë Vllazninë e bërë për sezonin e ardhshëm.

Mungesa e Alsid Tafilit për arsye kartonash do t'i hapë vendin aktivizimit të një futbollisti të ri në ndeshjen e rradhës me Tiranën. Bëhet fjalë për mesfushorin 18 vjeçar Ergi Borshi. Ai mendohet të jetë nga minuta e parë në fushë të shtunën ndaj bardhebluve. Të paktën këtë plan ka trajneri Artan Bushati i cili e ka aktivizuar atë në formacionin e parë në miqësoren e sotme me Bushatin. Ergi është djali i ish- futbollistit të Vllaznisë së viteve '80 Ferid Borshi dhe duket se ka një të ardhme të mirë përpara.

Po i vjen fundi edhe kampionatit të katërt të futbollit të femrave në vendin tonë. I zhvilluar edhe sivjet me tetë femra sigurisht që ai u shoqërua nga një problematikë jo e vogël megjithatë të dielën do të kemi një skuadër kampione. Themi të dielën sepse në fakt atë ditë do të zhvillohet ndeshja e fundit e kampionatit në mes ekipit kryesues Adës së Velipojës dhe Dardanisë së Tiranës. Shtyrja per te dielen ka ardhur pas nje kerkese te drejtuesve te Ades te cilet ne pamundesi per ta shtyre ndeshjen e ekipit te meshkujve ne Gramsh, kane shtyre kete te femrave.

Ndriçim Shtubina dhe Alsid Tafili janë dy mungesat e sigurta të Vllaznisë në ndeshjen e së shtunës kundër Tiranës. Të dy këta futbollistë kanë plotësuar numri tre të kartonëve të verdhë, dhe nuk do të jenë të gatshëm për përballjen e javës së 23-të. Trajnerit Artan Bushati nuk i mungojnë alternativat në mesfushë dhe mbrojtje, prandaj pritet që ta gjejë shumë shpejt zgjidhjen. Ajo që mbetet tashmë është të shohim se çfarë zgjidhje do të provojë trajneri Bushati. Për Shtubinën në fakt zëvendësuesi duket gati teksa rikthehet nga skualifikimi rumuni Dragoi.

Presidenti I ekipit të Vllaznisë, Agron Çela ka deklaruar në një emision televiziv se ekipi që ai drejton do të jetë serioz deri në fund të këtë sezoni. Këtë presidenti e ka mbështetur tek rezultati që skuadra e tij ka marrë në takimin e fundit me Teutën. Një përballje që është përfolur shumë se mund të tolerohej prej kquebluve, por që nuk ka rezultuar e tillë.

Mbrojtesi i djathte i Vllaznise Dritan Smajli ka nisur negociatat me skuadren e Flamurtarit. Lajmi behet i ditur nga vete pjestaret e ketij te fundit sipas te ciles, trajneri aktual i vlonjateve Ernest Gjoka kerkon ta kete ne skuader kete futbollist per sezonin e ardhshem. Ne fakt kjo nuk eshte nje gje e re. Kerkesa ndaj Smajlit pat ardhur qe ne veren e kaluar, u perserit edhe ne janarin e ketij viti megjithate ne ato momente ai e kishte shume te veshtire te shkeputej ngaqe ishte nen kontrate me kuqeblute.

Në ndeshjen e fundit të Vllaznisë, atë të luajtur ditën e dielë ndaj Teutës që u fitua nga shkodranët me rezultatin 2-0, ka rënë në sy loja e tre futbollistëve të rinj kuqeblu. Bëhet fjalë për tre mesfushorët e qendrës, Alsid Tafili, Florind Bardulla dhe Arsid Kruja. Mosha e tyre në fakt është e ndryshme megjithatë mund të quhen ndoshta “zbulimi” I kuqebluve këtë sezon. Vetë ata, duke folur për gazetën, kanë shprehur kënaqësinë që po u jepet mundësia për të kontribuar për Vllazninë dhe për më tepër, në një moment që skuadra ka edhe rezultate positive.