FUTBOLL

Nesër në Vlorë zhvillohet kupa "Pavarësia" në futboll për ekipet veterane të katër klubeve. Njëri ndër to është edhe ai i Vllaznisë së viteve '80- '90, përkrah ekipeve të Flamurtarit, Tiranës dhe Prishtinës. SIgurisht që do jetë një kënaqësi e madhe të shohësh duke luajtur futboll emra të mëdhenj të historisë së këtyre klubeve. Nga Shkodra, Vllazninë do ta përfaqësojnë emra të mëdhenj të futbollit të saj në vite, duke filluar nga Astrit Hafizi, Ferid Borshi, Selman Gruda, Muharrem Shkreli, për të vazhduar me Hysen Zmijanin, Fatbardh Jerën, Hysen Dedjen, Kujtim Shabën, Avenir Danin, Alban Nogën e për të përfunduar me Ilir Dibrën, Entri Çakun, Alban Volumin etj.

Takimi I sotëm me Flamurtarin është vlerësuar në maksimum nga ana e drejtuesve të klubit Vllaznia. Ata, për herë të parë në këtë sezon kanë vendosur ta grumbullojnë skuadrën një ditë para ndeshjeve që zhvillojnë në Shkodër. Pasditen e djeshme, të gjithë futbollistët dhe pjestarët e stafit teknik janë mbledhur në hotel “Meteor” ku kanë kaluar natën e mbrëmshme dhe do qëndrojnë deri sot rreth orës 15.00. Nuk kishte ndodhur asnjëherë më parë kështu. Herët e tjera, trajneri Duro kishte preferuar të mos e grumbullonte skuadrën.  Thjesht vetëm drekën sëbashku dhe pastaj menjëherë në stadium.

Nëse Vllaznia ia doli të merrte një pikë sonte ndaj Flamurtarit, përveç sulmuesit Rexha që shënoi dy gola, të fundit pikërisht në minutën e 95-të, meritën më të madhe natyrisht që e ka portieri Miroslav Vujadinoviç. Ai ka qenë "heroi" i Vllaznisë në këtë takim. Ka neutralizuar disa gola të sigurtë duke lënë në lojë skuadrën e tij. Kronika e lojës e vërteton këtë. Në minutën e parë Memelli gjuan nga jashtë zone dhe portieri malazez pret në pozicion.

Në një media sportive shqiptare ditën e sotme është raportuar se presidenti i Flamurtarit Shpëtim Gjika, njëkohësisht edhe kryetar i Bashkisë së Vlorës, ka dhënë dorëheqjen nga posti i presidentit të këtij klubi. Arsyeja sipas tij janë ndëshkimet e vazhdueshme të gjyqtarëve dhe përkrahja e hapur e tyre për ta nxjerrë sërish kampion Skënderbeun. "Panorama Sport" në intervistën e sotme me z. Gjika ka zbuluar se pakënaqësitë e tij kanë të bëjnë me dy gola të korçarëve që thuhet të kenë qenë në pozicion jashtë loje në ndeshjen e fundit, të fituar 3-1 nga ata me vlonjatët.

Një ditë para ndeshjes shumë të rëndësishme me Flamurtarin, askush në kampin shkodran nuk e di se cilët futbollistë do hedh në fushë trajneri Shpëtim Duro. Gjatë kësaj jave ai nuk ka zhvilluar asnjë ndeshje kontrolli me ekipin ashtu siç ka bërë zakonisht në pragndeshjet e tjera. Në kushte të tilla, me përjashtim të 5-6 futbollistëve që e kanë të sigurtë formacionin, të tjerët janë në mëdyshje.

Në takimin e nesërm ndaj Flamurtarit, pritet të ketë lëvizje në formacion, në sulm dhe në mbrojtje. Nga ajo që mësohet, dy sulmuesit kryesorë Hysa dhe Rexha mund ta nisin nga stoli ndeshjen e së shtunës ndaj vlonjatëve. Pritet që reparti t’i besohet Hajdarit, prej të cilit pritet shumë. Sakaq, një tjetër lëvizje do të ndodhë edhe në krahun e majtë të mbrojtjes, teksa nga minuta e parë do ta nisë Halim Begaj, i cili do të rikthehet si titullar pikërisht përballë së shkuarës, si vlonjat që është. Mbrojtësi do të jetë në fushën e lojës në vend të shkodranit Semina, i cili në fakt nuk është në gjendje të mirë fizike.

Drejtuesit e Vllaznisë kanë vendosur një “black out” informativ edhe pse i pret një ndeshje e rëndësishme ndaj Flamurtarit. Askush prej drejtuesve të skuadrës nuk preferon të flasë, madje janë shumë të shpejtë në përgjigjen, se nuk do të kenë marrëdhënie me shtypin gjatë kësaj jave. Duke parë që “heshtja e shtypit” është vendosur për lojtarët e skuadrës, natyrisht, pjesa e drejtuesve duhet të japë opinionin e saj për një ndeshje aspak të lehtë.

Vllaznia larg shtypit dhe shumë larg mediave, vijon të ketë vemendjen e të gjithëve për ndeshjen e fundjavës ndaj Flamurtarit. Por edhe në kampin shkodran, nuk ka aspak qetësi dhe emocionet e sidomos mungesa e besimit për një ndeshje shumë të vështirë ka rritur ndjeshëm tensionin në ekip. Ecuria jo e mirë e skuadrës, barazimi me Besën dhe natyrisht heshtja e shtypit, që vijon të jetë në fuqi për lojtarët, tregon fare qartë që Vllaznia nuk po kalon momente të mira.

Klubi Vllaznia në vitin 2013 mund të kalojë sërish në duart e një biznesmeni që do të marrë rolin e drejtuesit të tij. Kjo nuk është ende një vendim I marrë përfundimisht por drejtuesit e Bashkisë Shkodër duket se janë duke çuar ndër mend një ide të tillë. Në fakt, kjo ide ka kohë që qarkullon në këtë qytet por dje është konfirmuar zyrtarisht për gazetën “Shkodra Sport” nga kryetari I Bordit Mbikqyrës të Shoqërisë Aksionere Vllaznia, z. Ritvan Troshani që është njëkohësisht edhe nënkryetari I Bashkisë së këtij qyteti. Duke folur për gazetën ai ka thënë:

Ditën e hënë në Prishtinë të Kosovës mund të zhvillohet një ndeshje miqësore në mes ekipeve të Vllaznisë dhe Prishtinës në kuadër të festimeve për 100 Vjetorin e Pavarësisë. Marëdhëniet e mira që ekzistojnë në mes dy klubeve, mund të sjellin këtë miqësore kur kemi parasysh se ato janë ndeshur edhe 3-4 herë të tjera me njëra- tjetrën këto dy vitet e fundit. Por në fakt ende nuk ka një vendim zyrtar nëse kjo miqësore do të realizohet apo jo. Kjo ngaqë pritet edhe akordi përfundimtar në mes dy klubeve.