FUTBOLL

Del në skenë grupi i biznesmenëve që dëshirojnë të marrin drejtimin e Vllaznisë. Nëse deri më tani ishte folur vetëm në opinion, gjërat kanë marrë rrjedhë tjetër. Për këtë arsye, këta biznesmenë janë mbledhur sonte dhe kanë rënë dakord me hapat që do ndjekin në të ardhmen. Madje, puna e tyre do nisë që nesër me hartimin e një kërkese zyrtare për këtë qëllim. Por nëse në fillim u mendua se në këtë mes do ishte vetëm biznesmeni dhe ish-presidenti I Vllaznisë Agron Çela, sonte është marrë vesh se rreth tij janë edhe disa biznesmenë të tjerë.

Nëse janë dënuar futbollistët tek Vllaznia, kjo nuk do të thotë se do mbyllet me kaq. Drejues të klubit kanë jo pak punë edhe me stafin drejtues. Pikërisht për këtë arsye, në vendimin e djeshëm të shpërndarë nga ana e tij, në një pikë thuhet: “Stafi teknik i ekipit të parë të Vllaznisë, do të jetë objekt i një vendimmarrje të mëvonshme”. Që do të thotë se të premten, ditë kur është lënë për t’u zhvilluara analiza e dytë, nuk përjashtohet mundësia që të shkarkohet edhe trajneri Duro.

Hysen Zmijani, Mjeshtri i Merituar i Sportit, një nga emrat e mëdhenj të Vllaznisë të viteve `80-`90, ka analizuar në një dalje të tijën në një media lokale të Shkodrës edhe afrimet e bëra në merkaton e verës. Ai nuk është ndalur tek emrat konkretë, por në tërësi e ka quajtur të dështuar merkaton shkodrane. Madje, i ka quajtur edhe të tepërta pagesat që bëhen për lojtarët në tërësi të Superiores.

Tre nga katër futbollistët më të penalizuar të Vllaznisë në vendimin e së martës, pikërisht Tefik Osmani, Vilfor Hysa dhe Halim Begaj, kanë munguar në stërvitjen e sotme të ekipit shkodran. Arsyeja nuk bëhet e ditur por nga sa merret vesh, dy prej tyre, pikërisht Osmani dhe Hysa kanë qenë në zyrat e Federatës Shqiptare të Futbollit për t'u ankuar për gjobat dhe pezullimin e marrë nga ana e klubit. Me kopjet e kontratës në dorë, ata kanë filluar të kërkojnë të drejtat e tyre, me justifikimin se një penalizim i tillë nuk është i parashikuar në kontratë. Tek Vllaznia thonë ndryshe.

U mendua se të hënën do vinte “divorci” në mes Vllaznisë dhe trajnerit Shpëtim Duro por kjo nuk ka ndodhur. Kur të gjithë e bënë fakt të kryer, ndodhi e kundërta dhe kjo procedurë u shty. Por pikërisht kjo gjë, nuk ka kaluar pa humorin e hollë shkodran. Alban Hasani, ish-futbollisti I Vllaznisë dhe aktualisht trajner I kombëtares së minifutbollit, njihet për batutat e tij dhe një të tillë e ka lëshuar edhe dje kur ka thënë:

Klubi Vllaznia është treguar mjaft I ashpër me disa prej futbollistëve të tij. Ashtu siç ishte bërë e ditur një ditë më parë, disa prej futbollistëve kanë qenë të piketuar për t’u ndëshkuar për mosparaqitjen e duhur gjatë fazës së parë të kampionatit. Kështu me propozimin e drejtorit sportiv Armir Grima, administratori I klubit Fatos Gjyrezi, duke zbatuar kontratat individuale të sportistëve, ka marrë vendimet e mëposhtme.Ja deklarata e plotë e klubit Vllaznisë në lidhje me dënimet e dhëna sot: 

Analiza e shumëpritur e ditës së sotme tek Vllaznia pritet të dhurojë vendime shumë të rëndësishme për të ardhmen e kësaj skuadre. Kështu, është thuajse  e sigurtë që trajneri Shpëtim Duro do të shkarkohet. Drejtuesit e klubit e kanë marrë parasysh edhe pagesën e dëmshpërblimit ndaj tij teksa ai do të vazhdojë të paguhet deri në fundin e muajit maj me gjysmën e rrogës, ashtu siç e ka të shkruar në kontratë. Edhe vetë trajneri është I vetëdijshëm tashmë se kjo masë është marrë ndaj tij dhe prêt vetëm që t’I komunikohet nga drejtuesit.

Tre orë mbledhje nuk I kanë mjaftuar drejtuesve të Vllaznisë për të marrë asnjë vendim në analizën e sotme. Ata do mblidhen sërish të premten por duket se vendimi  I parë është marrë. Trajneri Shpëtim Duro mund të vazhdojë të qëndrojë në punë. Mbase deri në fund të kontratës së tij. Megjithatë, zyrtarisht një vendim I tillë pritet të merret ditën e premte. Por duket se ai do të vazhdojë punën teksa pas disa ditësh I është kërkuar të paraqesë një raport tjetër mbi lojtarët që mendon të largojë dhe ato që mund të ofrohen, njëkohësisht edhe kostot financiare të tyre.