FUTBOLL

Opinion nga Eugen Zeka

Vllaznia i ka të gjitha mundësitë për të ndërtuar një cikël fitimtar, përmes të cilit jo vetëm siguron rikthimin në elitën e futbollit, por edhe përvetëson e gëzon stabilitet në lojë dhe në rezultate për disa vite me rradhë. Gjithashtu, edhe akademia e klubit, prane se ciles eshte punuar shume mire gjate viteve te fundit, i ploteson te gjitha kushtet per t'u bere e njohur dhe me emer si fidanishte futbolli, per talentet e rinj, jo vetem ne Shqiperi, por edhe per te gjithe zonen e Ballkanit.

Një inisiativë shumë interesante ajo e arbitrave të futbollit të kolegjiumit të Shkodrës. Ata kanë vendosur që me rastin e festive të fundvitit dhe mbylljes se aktivitettit per vitin 2012 të organizojnë me datë 27 Dhjetor 2012 ora 11.30 ne stadiumin "Loro Boriçi" një takim miqësor futbolli, në mes arbitrave të kolegjumit të Shkodres dhe  arbitrave te Federates së Malit të Zi. Një kupë kjo që do të ketë një dedikim të veçantë. Ajo do të ketë emrin e Rigers Pjetrushit, arbitrit të ri lezhjan që humbi jetën vetëm pak muaj më parë në një aksident automobilistik.

Biznesmenët që kanë shfaqur një interes për të marrë drejtimin e Vllaznisë pas kalimit të saj në përdorim, duan që edhe administrimin e klubit ta bëjnë vetë. Nëse deri para pak ditësh kishte një dilemë se si do të zgjidhej kjo gjë, tashmë kërkesa e 5 biznesmenëve shkodranë është bërë e qartë. Agron Çela, Xhevdet Amuli, Paulin Radovani, Flamur Hoxha dhe Ylvi Mashi duan që ta administrojnë ata klubin.

Në fillim të sezonit krijoi jo pak zhurmë në lidhje me atë se çfarë bëri. Largoi thuajse të gjithë lojtarët e rinj që u huazuan në ekipe të tjera. Largoi edhe Gocajn, Sykjen dhe Hasanin, ndonëse ata ishin nën kontratë me Vllazninë, madje I pari kishte 2.5 vjet kontratë por u la I lirë se nuk e donte trajneri. Një lëvizje e çuditshme megjithatë ky ishte realiteti. Në vend të tyre u blenë futbollistë, shumica  e të cilëve rezultuan të dështuar. Shpëtim Duro në këtë mënyrë ka jo pak përgjegjësi për një situatë të tillë të krijuar.

Trajneri Shpëtim Duro, gjatë seancës së fundit për vitin 2012, u ka dhënë përgjigje specialistëve për elementin e ri që ka kjo skuadër. Jo rrallëherë specialistë dhe tifozët e kanë fajësuar atë për mosaktivizimin e elementit të ri. Ja se si ka qenë përgjigja e teknikut: “Të rinjtë kanë probleme dhe shumë për të bërë për ta merituar fanellën e Vllaznisë. Mendoj se nuk janë të gatshëm për Vllazninë, pasi nuk kanë nivelin e Vajushit, Balës apo Sukajt, të cilët që në moshën 18-vjeçare kanë mbajtur peshën e skuadrës. Lojtarët aktualë janë shumë larg nivelit të atyre”.

Skuadra dhe drejtuesit e Partizanit po presin me padurim mbylljen e kontratës së trajnerit Shpëtim Duro me Vllazninë. Kjo ngaqë ata duan ta marrin për vete. Bisedimet thuhet se kanë kohë që kanë nisur dhe ajo që pengon është vetëm mbyllja e kontratës që trajneri ka në Shkodër. Por Duro nuk ka ndër mend të largohet vetë nga kuqeblutë. Ai pret vetëm që ta shkarkojnë dhe nga kjo të marrë dëmshpërblimin për kontratën e prishur nga ana e klubit. Ai në fakt edhe vetë nuk ka dëshirë më të qëndrojë tek Vllaznia. Humori i është prishur dhe kjo nuk është e vështirë të dallohet.

Mesditën e sotme në fushën sportive "Reshit Rusi" të Shkodrës është zhvilluar ndeshja miqësore në futbollin e femrave në mes ekipeve Juban Danja dhe Trepça '89 e Mitrovicës së Kosovës. Ka qenë një ndeshje e bukur dhe në fund të saj është fiksuar rezultati i barabartë 1-1. Golin e vetëm për ekipin shkodran në këtë ndeshje e ka shënuar kapitenia Advije Veliu.Në fakt, kjo nuk ka qenë ndeshja e parë në mes këtyre dy ekipeve.

Dje Shpëtim Duro ka qenë në Shkodër. Për vitin 2012 është hera e fundit sepse Vllaznia ka marrë pushimet por duket se “bileta për në Tiranë” ka qenë vetëm vajtje për të. Pa kthim. Që do të thotë se edhe ai e parandjen tashmë që nuk do të jetë më trajner I kësaj skuadre. Jo më kot, dje u ka thënë futbollistëve të tij se kanë përfunduar me stërvitjet për këtë vit por pa u lënë një datë se kur do të nisin stërvitjet në janar.

Në Vlorë duan ta kenë medoemos në rradhët e tyre Dritan Smajlin. Pas insistimit të vazhdueshëm për ta marrë që tani dhe refuzimit të Vllaznisë për ta lënë të lirë, drejtuesit e Flamurtarit janë duke menduar tjetër gjë. Ata po kërkojnë që mbrojtësi  27 vjeçar të firmosë që tani një parakontratë në mënyrë që në qershor, atëherë kur I mbaron kontrata me Vllazninë, të firmosë zyrtarisht për skuadrën vlonjate.