FUTBOLL

Pasditen e djeshme kryetari I Bashkisë së Shkodrës, që është njëkohësisht edhe president I Vllaznisë Lorenc Luka, ka patur një takim me drejtuesit e tjerë të lartë të klubit por edhe me ato të stafit drejtues. Kanë marrë pjesë në këtë takim të zhvilluar në zyrën e kryebashkiakut, kryetari I këshillit mbikqyrës të Vllaznisë Ritvan Troshani, administrator Fatos Gjyrezi, drejtori sportiv Armir Grima dhe trajneri Shpëtim Duro.

Mbrojtja e Vllaznisë ka luajtur në mënyrë të shkëlqyer në Berat. Këtë mendim ka trajneri i kësaj skuadre Shpëtim Duro i cili nuk fajëson asnjë lojtar të këtij reparti për dy golat e pësuar. Një deklaratë të tillë ai e ka bërë në konferencën e sotme për shtyp. Duke folur në lidhje me këtë çështje, ai ka thënë: "Ishte një aksident në momentet e fundit. Pësimi I atyre golave, nuk është problemi i mbrojtjes. Mbrojtja ka luajtur shkëlqyeshëm, sidomos në pjesën e dytë ka qenë perfekt. Skuadra e Tomorit nuk ka rrezikuar për asnjë moment, kemi humbur 4-5 raste të pastra shënimi, ndërsa Tomori s’ka pasur asnjë rast.

Në kampin shkodran nuk ka qetësi. Në fillim, në ndeshjen e parë me Skënderbeun, problemi kryesor ishte në repartin e mbrojtjes me mënyrën si u pësuan golat. Pas asaj ndeshje, mbrojtja u rregullua teksa në pesë ndeshjet e rradhës u pësua vetëm një gol. E nëse u rregullua mbrojtja, problemi kaloi tek sulmi ngaqë lojtarët e këtij reparti nuk po shënonin asnjë gol në gjashtë javë kampionat. Ndërkohë, në ndeshjen e fundit, atë të luajtur në Berat me Tomorin, gjërat sërish morën rrjedhë tjetër. Sulmi u përmirësua disi teksa shënoi sulmuesi Hysa pas shumë javësh e po ashtu pati edhe një gol tjetër nga Smajli megjithatë "defekti" tashmë u spostua në mbrojtje.

Trajneri i Skënderbeut Mirel Josa nuk e llogarit ish-skuadrën e tij sezonin e kaluar- Vllazninë, si pretendente për titullin kampion në këtë sezon. Deklarata e trajnerit të korçarëve është bërë menjëherë pas fitores së mbrëmshme në Durrës ndaj Teutës vendase. Me këtë fitore, Skënderbeu është ngjitur në kuotën e 17 pikë duke qenë disi e shkëputur nga skuadrat e tjera. I pyetur nga gazetarët se kë sheh ai si rivalet më të mundshme në këtë sezon, Josa është shprehur: "Skënderbeut mendoj se është i qartë në objektivat që ka këtë sezon për të ruajtur titullin kampion ndërsa si rivalë të mundshëm shoh Tiranën po e po për vetë emrin dhe traditën e saj por edhe Besën që po bën një futboll të bukur por është edhe cinike në lojën e saj".

E tillë mund të quhet ajo çfarë ndodhi me Vllazninë në ndeshjen e sotme të luajtur në Berat ndaj Tomorit vendas. Nga udhëheqja e rezultatit 2-0 në fillimin e pjesës së dytë, rezultati përfundimtar 2-2 fajëson të gjithë pjestarët e kësaj skuadre duke filluar nga trajneri Shpëtim Duro dhe duke përfunduar tek futbollisti i fundit. Rrallë i ka ndodhur kësaj skuadre të sigurojë një avantazh të tillë prej dy golash në një ndeshje në transfertë por sot ja që kjo u realizua. Goli i Hysës që në minutën e parë të ndeshjes është pasuar nga ai i Smajlit me 11-metërsh në minutën e 47-të por vetëm kaq.

Skuadra shkodrane do të kërkojë sot fitoren e tretë rradhazi në kampionat përballë Tomorit të Beratit. Nëse ia arrin, sigurisht që do ishte një diçka shumë e mirë sepse ajo do ruante hapin e Besës, skuadrës së vendit të tretë që dje fitoi me Flamurtarin dhe po ashtu do priste rezultatet e sotme të Skënderbeut dhe Tiranës për të parë se në ç'pozicion do jetë në përfundim të ndeshjeve të javës së shtatë të Superligës. Futbollistët kuqeblu kanë udhëtuar që dje drejt Beratit dhe sigurisht që janë të motivuar për të marrë një rezultat pozitiv në këtë ndeshje.

Lacio e drejtorit sportiv Igli Tare kërkon një tjetër shqiptar në rradhët e saj. Bëhet fjalë për futbollistin kosovar Taulant Xhaka, vëllain e Granitit, lojtarit të shumëpërfolur kohët e fundit para dhe pas ndeshjes Zvicër- Shqipëri. Taulanti është vëllai më i madh dhe kohët e fundit është duke luajtur me ekipin e Grasshopersit në Zvicër. Ai ka ardhur tek kjo skuadër nga Baseli ku nuk kaloi një periudhë të mirë megjithatë tani është duke bërë një paraqitje e cila ka rënë në sy. Taulant Xhaka ka kontratë me Bazel deri në vitin 2015 por Lacio dhe sidomos drejtori sportiv i saj Igli Tare dëshiron ta ketë në skuadër.

Trajneri shkodran Armando Cungu po bën një paraqitje shumë të mirë me Kukësin e tij në këtë sezon të parë në Superligë. Në shtatët ndeshjet e deritanishme, kjo skuadër nuk njeh humbje. Kështu ka ndodhur edhe sot në takimin e luajtur në fushën e vështirë të Peqinit ndaj Shkumbinit vendas. Në fund të 90 minutave është arritur barazimi 1-1 por sipas informacioneve që vijnë nga kjo ndeshje, Kukësi ka qenë shumë më afër fitores. Ata kanë kaluar në avantazh që në minutën e 6-të me Prognin, kanë patur mundësi të shënojnë edhe 2-3 gola të tjerë në pjesën e parë.

Ekipet e volejbollit të klubit Vllaznia kanë arritur një fitore dhe një humbje në ndeshjet e kësaj jave, të vlefshme për kampionatin kombëtar. Ata janë përballur me ekipet e Skënderbeut të Korçës dhe ndeshjet janë zhvilluar ditën e sotme në pallatin e sportit “Qazim Dervishi” të Shkodrës. Ndeshja e parë ka qenë ajo e femrave të Vllaznisë dhe Skënderbeut. Seti I parë I ndeshjes ka nisur jo mirë për vajzat shkodrane të cilat e kanë humbur atë në shifrat 13-25. Në të dytin ato e përmirësojnë disi lojën por sërish ka humbje 16-25. I treti do flasë për vajzat e trajneres Sadije Gogaj të cilat arrijnë të fitojnë këtë set në shifrat 25-21 por vetëm kaq sepse në të katërtin sërish humbasin 18-25 dhe krejt ndeshjes në shifrat 3-1.

Trajneri i Vllaznisë Shpëtim Duro ka shprehur besimin e tij të plotë për marrjen e një rezultati pozitiv në ndeshjen e nesërme që ajo do të luajë në Berat ndaj Tomorit. Për të, një barazim në këtë ndeshje është më i mirë se humbja por objektivi i kuqebluve është fitorja e kësaj ndeshje.Kjo është deklarata e bërë sot nga ai në konferencën e rradhës për shtyp, pikërisht një ditë para ndeshjes së javës së shtatë të kampionatit. Duro ka folur edhe për dëmtimet, për formacionin dhe shumë gjëra të tjera. Ja përgjigjet e plota të tij dhënë për gazetarët: