Shembja e “Qemal Stafës”, shpresë për kombëtaren në Shkodër?
Pas dy ndeshjeve që kombëtarja shqiptare e futbollit do të luajë në stadiumin kombëtar "Qemal Stafa" gjatë muajit tetor, pritet që ky impiant sportiv të fillojë shembjen e tij. Kjo në fakt ka kohë që pritej madje u pat deklaruar fillimisht se do ishte dhurata e Qeverisë shqiptare për sportdashësit në prag të 100 Vjetorit të Pavarësisë por të gjitha këto ranë poshtë. Problemet e ndryshme të financimit, të administrimit të stadiumit të ri dhe shumë gjëra të tjera. Por e rëndësishme është që nga fundi i tetorit ose fillimit i nëntorit do nisë procesi i shembjes së këtij stadiumi. Sigurisht që pas kësaj procedure, lindin edhe pyetjet e para se ku do t'i luajë kombëtarja shqiptare ndeshjet e saj të ardhshme. Siç raportohet në media të ndryshme, ideja e drejtuesve të FSHF-së është për të investuar në stadiumin "Loro Boriçi".
Vllaznia miqësore të shtunën në Shkodër me ekipin e Ulqinit
Në pritje të nisjes së kampionatit kombëtar, ekipi i basketbollit të meshkujve të Vllaznisë do të zhvillojë një takim miqësor. Ai do të luhet ndaj ekipit të Ulqinit dhe do të zhvillohet të shtunën pasdite në orën 18.00 në pallatin e sportit "Qazim Dervishi". Lajmin e ka bërë të ditur për gazetën online www.shkodrasport.com trajneri i ekipit shkodran Bledar Gjeçaj i cili ka thënë: "Në kuadrin e përgatitjeve për nisjen e kampionatit të ri do të organizojmë këtë miqësore me ekipin e Ulqinit, një nga më të mirët e Malit të Zi. Do jetë një test i mirë për të parë gjendjen e ekipit tonë dhe besoj se do na shërbejë shumë". 
Belisha: Vllaznia s’e ka luksin të nënvleftësojë askënd
Fitorja në ndeshjen e fundit me Bylisin ka kthyer qetësinë në kampin shkodran. Futbollistë e drejtues janë tashmë më të qetë dhe po shohin përpara. Për mesfushorin shkodran Amarildo Belisha, ajo fitore duhet vlerësuar së tepërmi sepse erdhi në momentin e duhur. Duke folur pikërisht për këtë takim, ai do të shprehej: “Fitorja me Bylisin ishte shumë e rëndësishme aq më tepër që vinim pas një rezultati jo të mirë me skuadrën fierake.
Shorti i paracaktuar: Vllaznia në turin e dytë përballë Shkumbinit
Pas kualifikimit në ndeshjet e turit të parë, është mësuar edhe emri i skuadrës kundërshtare të Vllaznisë për në turin e dytë. Sipas një shorti të paracaktuar që më parë nga Federata Shqiptare e Futbollit, skuadra shkodrane do të ndeshet në turin e dytë me Shkumbinin. Ndeshja e parë do të luhet në Peqin ndërsa e kthimit në Shkodër. 
Sulmi i Vllaznisë duhet të reagojë
Opinion nga Ismet Hoxha
Vllaznia e tregoi veten me atë fitore që arriti në Ballsh dhe realisht na gëzoi të gjithëve. Duke parë edhe dështimin e kryesuesve, të cilët u ndalën me nga një barazim, atëherë skuadra shkodrane përfitoi nga ajo fitore shumë e rëndësishme që mori ndaj Bylisit në transfertë. E në fakt, Vllaznia duhet të vazhdojë që të kthehet realisht e fortë në klasifikim dhe të arrijë aty ku duhet.
Rasti “Deliç”, shembull për të mos sulmuar Hysën dhe Rexhën
Vllaznia e këtij sezoni mbase mbetet mbretëresha e merkatos verore për numrin e lojtarëve të afruar në gjirin e kuqebluve, nderkohë që kualiteti i tyre ka qenë disi skeptik. Në fillim të kampionatit, kuqeblutë, mbase te kapur edhe pak nga euforia e startit te sezonit, morën një grusht të fortë brenda në "Loro Boriçi", duke u mposhtur 1-3 nga Skënderbeu. Sigurisht, kjo humbje u shoqëruar me shumë "aksesor".
Ivan Deliç: Goli i shënuar në Ballsh, më i veçanti për mua
Vlerësimet që ka marrë për golin e shënuar në Ballsh ndaj Bylisit kanë qenë të shumta për mesfushorin malazez të Vllaznisë Ivan Deliç. Jo vetëm për rëndësinë e tij por më tepër për mënyrën e ekzekutimit. Vetë lojtari, në konferencën e sotme për shtyp e ka cilësuar këtë gol si më të veçantin e karrierës së deritanishme të tij. Njëkohësisht ka folur edhe për formën duke thënë se ishte thjesht çështje kohe ardhja në formën më të mirë. "“Unë gjatë karrierës sime si me Buduccnostin ashtu edhe me ekipet e tjera ku kam luajtur, kam shënuar edhe gola të tjerë të bukur por ky ndaj Bylisit mendoj se ishte më i veçanti. Përvecc bukurisë së tij, ishte i rëndësishëm sepse na dha fitoren dhe kjo ia rrit edhe më tepër vlerat”- ka thënë ai. 
Armir Grima: S’mjafton fitorja në Ballsh. Të shohim më tej
Ivan Deliç është sjellë prej tij tek Vllaznia në merkaton e verës. Ai e ka ndjekur këtë lojtar përmes videove, I ka besuar portierit Vujadinoviç dhe miqve të tjerë që ia kishin sugjeruar dhe e ka veshur kuqeblu. Drejtori sportiv Armir Grima edhe kur lojtari kishte shfaqur ende probleme me formën e tij, kishte besuar tek ai. Pas golit të shënuar në Ballsh, edhe ai ndjehet më I çliruar. “Basti”, ndonëse nuk I pëlqen ta konsiderojë të tillë, me këtë lojtar është fituar tashmë. 
Duro i rezervuar. Vllaznia s’është ende pretendente
Shpëtim Duro është shprehur tepër i rezervuar për situatën që po kalon ekipi i tij. Ai ka vlerësuar maksimalisht pikët e marra ndaj skuadrës së Bylisit, por edhe bën thirrje që skuadra ta harrojë të shkuarën e të shikojë përpara për të ardhmen. Në intervistën e tij për gazetën, ka vënë në dukje se ka shumë mundësi për të ardhmen, duke theksuar se përsëri sulmi nuk është aty ku pritej. Megjithatë, tekniku mendon se deri në merkaton e janarit duhet ecur dhe i duhet besuar këtij kontingjenti që ka në dispozicion.
Vllaznia, fitorja në Ballsh kthen qetësinë në skuadër
Tre pikë me shumë vlerë kanë qenë ato të Vllaznia ka marrë të shtunën në Ballsh. Një fitore që vjen në kohën e duhur dhe në momentin e duhur. Në fakt, edhe brenda në Shkodër, tek një masë e madhe e tifozëve apo dhe më gjerë, nuk kishte shumë besim tek marrja e një trepikëshi në këtë takim por krejt ndryshe ka menduar trajneri Duro. Që para ndeshjes ai e kishte shprehur besimin e tij të plotë se nuk do dilte nga Ballshi pa pikë. 
