PA KATEGORI

Do të nisin nesër ndeshjet e Kupës së Shqipërisë në futboll për femra. Do luhen ndeshjet e turit të parë teksa ato do luhen të gjithë në fushën e kompleksit të ekipeve kombëtare në Kamëz. Turi i parë do t'i përcaktojë skuadrat gjysmëfinaliste vetëm me një takim. Që do të thotë se kush do t'i fitojë ndeshjet e nesërme, do jetë në katërshe. Federata e ka paracaktuar shortin teksa do luhet sipas renditjes së kampionatit të kaluar teksa skuadra e vendit të parë do luajë me të tetën dhe me rradhë sipas skemës 2-7, 3-6 dhe 4-5.

Një sezon më parë ka fituar Kupën e Shqipërisë në krye të këtij ekipi dhe pikërisht kjo përvojë positive por edhe ambicjet e drejtuesve të klubit për të fituar të dy trofetë e këtij sezoni, kanë bërë që Kreshnik Krepi të rikthehet sërish në krye të “Juban Danjës”. Ky ekip pretendon të fitojë gjithçka sivjet në futbollin e femrave dhe prandaj kanë zgjedhur këtë trajner për t’I drejtuar. Lajmi konfirmohet për gazetën “Shkodra Sport” nga presidenti I këtij ekipi Ferdinand Jaku I cili do thoshte: “Deri më tani ekipi është drejtuar nga trajneria- lojtare Emanuela Jaku por kuptohet që tashmë përgjegjësia rritet dhe duhej një trajner më me përvojë. Në kushte të tilla zgjodhëm rikthimin sërish në pankinë për Kreshnik Krepin dhe me të do të tentojmë të fitojmë të tjerë trofe”.

Faza e parë e kampionatit të katërt kombëtar të futbollit të femrave gradualisht po shkon drejt fundit. Pikërisht të shtunën, do të luhen ndeshjet e javës së shtatë, që është e fundit e kësaj faze. Ada kryesuese e deritanishme, do të luajë në transfertë me ekipin e vendit të fundit në renditje- Dardaninë, e cila deri më tani nuk ka arritur të marrë qoftë edhe një pikë të vetme. Duke qenë kështu, parashikohet një ndeshje e lehtë për kryesuesen aktuale dhe kampionen në fuqi të vendit. Ndeshja Dardania- Ada do të luhet të shtunën në orën 14.00 në fushën e kompleksit të ekipeve kombëtare në Kamëz.

Do jetë ndeshje futbolli femrash por jo vetëm. Nuk do jetë e vlefshme për kampionatin kombëtar por do jetë një ndeshje spektakli. Juban Danja nesër do ketë një kundërshtar shumë të fortë përballë, ekipin e aktorëve të teatrit "Migjeni" në një përballje shumë interesante. Një takim që do luhet pikërisht me 28 nëntor në pallatin e sportit "Qazim Dervishi" në orën 11.00, në kuadrin e festimeve për 100 Vjetorin e Pavarësisë. Vajzat e Juban Danjës do kenë përballë kundërshtarë shumë të fortë të drejtuar me mjeshtri nga Besnik Çinari.

Mesditën e sotme, ekipi i Juban Danjës në futboll për femra, ka arritur të fitojë ndeshjen e javës së gjashtë të kampionatit, atë me Kamzën me rezultatin e pastër 6-0. Ndeshja është luajtur në fushën e kopleksit të ekipeve kombëtare në Kamëz dhe është dominuar nga vajzat shkodrane. Sipas njoftimit që na jep presidenti i këtij ekipi Ferdinand Jaku, golat në këtë takim janë shënuar nga Suada Jashari, dy nga kapitenia Advije Veliu, një tjetër nga trajnerja- futbolliste Emanuela Jaku dhe një nga Anela Vishkulli.

Ada kampione në fuqi dhe kryesuese edhe e këtij kampionati, do të luajë këtë javë në Shkodër teksa ka për të zhvilluar derbin tjetër, atë me ekipin The Door. Ndeshja do të luhet ditën e shtunë në orën 10.00 në fushën sportive "Reshit Rusi". Nuk pritet ndonjë rezultat suprizë me përjashtim të një fitore të vajzave velipojake të cilat thuajse e kanë siguruar titullin kampione të dimrit.Ndërkohë skuadra e vendit të dytë- Juban Danja do ta luajë ndeshjen e saj të kësaj jave ditën e dielë. Kundërshtari i saj do të jetë ekipi i Kamzës dhe ndeshja do të luhet në orën 12.00 në kompleksin e ekipeve kombëtare të Kamzës.

Dy skuadrat kryesuese të kampionatit kombëtar të futbollit të femrave, Ada dhe Juban Danja i kanë fituar ndeshjet e tyre të rradhës, të vlefshme për javëne e pestë të kampionatit. Ada kryesuese dhe kampione në fuqi, ka luajtur në kryeqytet ndaj ekipit Tirana AS e cila edhe ajo ka qenë në garë për titull dhe ndeshja është zhvilluar shumë e fortë megjithatë, vajzat velipojake e kanë dominuar lojën dhe kanë fituar 3-1. Dy gola në këtë ndeshje janë shënuar nga Megi Doçi ndërsa tjetri nga Ana Baro.

Opinion nga Senad NIKSHIQI


Vllaznia ime e dashur që nga publikimi im i fundit i një artikulli, kaloi mes shumë vështirësive. Nuk mora hovin që të them diçka sepse ne që kritikojmë po dalim "dashakeqës" dhe jemi nga drejtuesit e skuadrës në listën e "zezë". Por sonte nuk mund të rri i qetë kur shoh që ajo që po ndodh me Vllazninë kthen në kundërshtarë të fortë ata që deri dje ishin miq.

Në barazim 1-1 është mbyllur ndeshja në mes Adës dhe Juban Danjës, e cila ka qenë ndeshja më e rëndëishme e kampionatit kombëtar të futbollit të femrave. Një ndeshje që ka patur brenda edhe tensionin në fushën e ndeshjes teksa drejtues dhe pjestarë të ekipit të Juban Danjës kanë protestuar ndaj gjyqtarit të takimit për njënashmëri sipas tyre në gjykim. Megjithatë në pamje të parë rezultati I barabartë në fund të ndeshjes duket se ka qenë më I drejtë për këtë ndeshje. Të parët kanë kaluar në avantazh vajzat e Juban Danjës ndërsa në minutat e fundit ka qenë skuadra kampione e Adës që ka barazuar rezultatin.

Ditën e nesërme kampionati kombëtar I futbollit të femrave do të dhurojë një sfidë shumë interesante. Do ndeshen me njëra- tjetrën skuadra kampione në fuqi- Ada, me nënkampionen Juban Danja. Këto dy skuadra, për koinçidensë janë pretendentet kryesore për titullin kampion edhe në sezonin e ri. Ada për të fituar titullin e tretë rradhazi ndërsa Juban Danja për të marrë titullin e parë dhe trofeun e dytë pas Kupës së Shqipërisë sezonin e kaluar. Të dyja ato në merkaton e verës kanë bërë investime shumë serioze teksa kanë marrë në rradhët e tyre futbolliste të kombëtares shqiptare.