PA KATEGORI

Dalja kampion natyrisht që ka Brenda kënaqësinë e madhe të vlerësimit si skuadra më e mirë por kur merr pjesë në Ligën e Kampioneve, sigurisht që emocionet rriten edhe më shumë. Pikërisht për këtë arsye, vajzat futbolliste dhe stafi drejtues I ekipit të Adës së Velipojës në futbollin e femrave, po e prêt me mjaft interes marrjen pjesë në një kompeticion të tillë. Nëse verën e kaluar ishte hera e parë që ajo mori pjesë, sivjet natyrisht që është më e përgatitur për të bërë gjëra të miraa. Për këtë arsye, edhe drejtuesit e klubit kanë ditë që kanë nisur përpjekjet për të sjellë në skuadër lojtare cilësorë në mënyrë që të rritet forca e skuadrës për t’u përfaqësuar denjësisht në një kompeticion të tillë.

Ndryshime në krye të ekipeve të Akademisë Vllaznia. Që nga dita e djeshme, Ilir Dibra, Alban Noga dhe Entri Çaku nuk do të jenë më në krye të ekipeve U-19 dhe U-17 të Vllaznisë. Vendimi është marrë në mbledhjen e fundit të Këshillit të Trajnerëve. Ata pasi kanë analizuar punën e bërë në këto ekipe, kanë vendosur për ndryshimet e emrave. Në fakt kishte kohë që përflitej një gjë e tillë për dy trajnerët e 19 vjeçarëve Dibra e Noga por paksa e çuditshme duket largimi nga posti i trajnerit të 17 vjeçarëve i Entri Çakut ndonëse ky i fundit në dy sezonet e fundit e ka nxjerrë kampion këtë ekip.

Ditën e sotme ka nisur në Shkodër një turne i titulluar "100 Vjetori i Pavarësisë" me pjesmarrjen e katër ekipeve tëfutbollit të femrave.  Këto ekipe janë pikërisht The Door, Kamza, Breshia dhe Kaçaniku i Kosovës. Sipas një shorti të hedhur direkt në një studio televizive të TV Rozafa paraditen e sotme, ekipi italian i Breshias është ndeshur me ekipin kosovar të Kaçanikut. Vajzat e ardhura nga Italia kanë fituar thellësisht 5-0 duke fituar të drejtën për të dalë në finale. Në ndeshjen tjetër, ekipi The Door ka mundur atë të Kamzës me rezultatin 3-0. Në këtë mënyrë, dy finalistët e këtij turneu do jenë ekipi vendas The Door dhe ai italian i Breshia i ardhur posaçërisht për pjesmarrjen në këtë turne të rëndësishëm ndërkombëtar të futbollit të femrave.

Opinion nga Roland LUÇI

Nuk kam arritur kurrë të kuptoj një veprim të tillë, të mospërdorjes më të fanellës me një numër të caktuar në shpinë, ide e shpikur kushedi se di se në çfarë laboratori idiot dhe kopjohet majmunërisht tani dhe në Shkodër. Sinqerisht nuk arrij të krijoj asnjë lidhje me mospasjen më në dispozicion të numrit 9 te Vllaznia me figurën e një lojtari të caktuar, kushdo qoftë ky.

Vllaznia U-17 sot eshte shpallur zyrtarisht kampion e Shqiperise per edicionin 2011-12.