PA KATEGORI

Erkand Qerimaj, kampioni i Europes ne peshengritje ne kampionatin e fundit europian qe u zhvillua ne Turqi, zuri vendin e pare ne peshen 77 kg duke merituar dy medalje ari dhe nje argjendi.

Mëngjesi i sotëm ka qenë fatal për ish-futbollisten e Juban Danjës Kujtime Xherxhi. Ajo ka humbur jetën nga një aksident automobilistik. Një makinë që po lëvizte me shpejtësi, i ka marrë jetën asaj në moshën 24 vjeçare. Lajmi i hidhur sigurisht që i ka dëshpëruar së tepërmi drejtuesit e këtij ekipi, futbollistet e tij dhe në veçanti presidentin Ferdinand Jaku i cili ka npatur një kontribut jo të vogël në jetën e saj.

Tepër entuziast dhe me të drejtë pas fitimit të titullit të dytë kampion të vendim me vajzat ka qenë edhe trajneri I ekipit të Adës, Fatmir Axhani. Ka qënë padyshim meritë e madhe e punës së tij dhe të shoqes- Havasë që ekipi I Adës është për të dytën herë me rradhë kampion i vendit. “Më duket se sa më shumë që shpallesh kampion aq më shumë më rritet kënaqësia. Jam tepër I kënaqur që puna e një viti, lodhja dhe djersa e një sezoni të tërë kurorëzohet në mënyrën më të mirë të mundshme. Fitorja e këtij trofeu për herë të dytë më shton më shumë kënaqësinë që të vijoj të merrem me këtë skuadër. Nuk do ta ndërroja me asnjë skuadër tjetër as në superligë madje të qënurit teknik I ekipit të futbollit të vajzave të Adës, më sjell kënaqësi të jashtëzakonshme.

Për të dytin vit me radhë ekipi I Adës së Velipojës është shpallur kampion i vendit në futbollin për femra. Një meritë kjo e punës së palodhur të gjithë kësaj skuadre dhe e trajnerëve Fatmir dhe Hava Axhani, por edhe qëndrimit shumë pranë këtij ekipi të presidentit Lazër Matija. Sot në ndeshjen e fundit të kampionatit, ekipi I Adës ka arritur të fitojë edhe ndaj ekipit të Juban Danjës, duke e ngritur në 13-të numrin e fitoreve të kësaj skuadre në këtë sezon dhe me vetëm një barazim. Gjithsesi në takimin e sotëm ekipi I Adës, ashtu si në takimin e fundit të fazës së parë që e pat fituar me shifrat 2-1, ka arritur një tjetër fitore përballë rivales më të denjë në këtë sezon, ekipit të Juban Danjës. Kësaj here vajzat velipojake kanë fituar përsëri, por kësaj here me shifrat 3-2.  Një pjesë e parë e barabartë dhe këtë e ka treguar jo vetëm loja e zhvilluar, por edhe dy golat e shënuar nga një për çdo ekip.

Ekipi i Adës së Velipojës do të kurorëzohet pasditen e sotme kampione e Shqipërisë për edicionin 2011-12 në futbollin e femrave. Në orën 16.00 zhvillohet ndeshja e fundit e kampionatit, ajo ndaj Juban Danjës e cila do luhet në stadiumin "Loro Boriçi" të Shkodrës, por rezultati përfundimtar i këtij takimi nuk do ndikojë në renditjen përfundimtare të kampionatit ngaqë diferenca mes dy skuadrave është 5 pikë. Në këtë mënyrë, Ada për të dytin vit rradhazi kurorëzohet kampione e Shqipërisë.

Presidenti I ekipit të futbollit të vajzave të Adës të Velipojës, Lazër Matija është shprehur tepër I kënaqur që ekipi I tij është shpallur për të dytin sezon me radhë kampione e vendit. “Jam tepër I kënaqur që kurorëzova një tjetër sezon të suksesshëm. është me të vërtetë një punë e madhe me tepër shpenzime, por kur në fund merr  frytet duket se gjithçka ka kaluar më lehtë se ç'ka qenë në realitet. Ka qenë një punë e madhe e nisur që nga stafi teknik me dyshen Fatmir e Hava Axhani, masazhatorin Arben Mlloja dhe vajzat e kësaj skuadre. Më vjen mirë që kam dal kampion dhe për më tepër me një skuadër që meriton notën më të lartë jo vetëm për punën që kryen, por edhe për disiplinën në stërvitje dhe jashtë saj. Kemi investuar shumë dhe për këtë faktet janë. Kemi investuar jo vetëm me lojtare cilësore, por edhe në bazë materiale dhe në kushtet që ekipi është stërvitur.

Ada e Velipojës është shumë pranë shpalljes kampion për të dytin vit rradhazi. Kur kanë mbetur edhe dy javë nga fundi i kampionatit, kësaj skuadre i duhen matematikisht edhe 2 pikë për të qenë kampione e Shqipërisë edhe për sezonin 2011-12. Në kuadër të javës së 12-të të kampionatit, Ada ka luajtur në Durrës ndaj Shkëndisë vendase dhe ka fituar pa as më të voglin problem me rezultatin e thellë 6-0. Pesë nga gjashtë golat e shënuar mbajnë firmën e sulmueses Megi Doçi të ardhur në janar nga Tirana AS. Golin e fundit e ka shënuar Tina Malesia. Me këtë fitore, Ada është ngjitur në kuotën e 31 pikëve. Nga ana tjetër, ekipi ndjekës Juban Danja ka luajtur në Tiranë ndaj Kinostudios dhe ka fituar 3-1.

Njëri nga ekipet e Shkodrës në futbollin e femrave, pikërisht "Juban Danja" ka fituar sot pasdite me një nga rivalet kryesore të saj, ekipin Tirana AS me rezultatin 3-1 dhe ka siguruar thuajse përfundimisht vendin e dytë në tabelën e renditjes. Ndeshja është luajtur në fushën sportive "Reshit Rusi" të Shkodrës. Të tre golat në këtë ndeshje janë shënuar nga lojtarja kryesore e ekipit shkodran, pikërisht sulmuesja kosovare Advije Veliu e cila pas 12 golave të shënuar në ndeshjen e javës së kaluar, ka shënuar edhe tre sot duke qenë kështu në vendin e parë si golashënuesja më e mirë e kampionatit.Ajo e ka dërguar topin në rrjetë në minutat 3, 7 dhe 14 ndërsa golin e vetëm për skuadrën mike e shënoi Artemida Dashi në minutën e 26-të.