PA KATEGORI

Ekipi The Door ka arritur një fitore suprizë mesditën e sotme teksa ka fituar 4-2 ndaj ekipit Tirana AS në ndeshjen e vlefshme për turin çerekfinal të Kupës së Shqipërisë. Takimi është luajtur në orën 12.00 dhe ndoshta pakkush ka menduar se vajzat e reja shkodrane do të arrinin të sfidonin një nga ekipet më të mira të vendit. Por fusha e lojës ka treguar tjetër gjë dhe prandaj në fund të ndeshjes është fiksuar rezultati 4-2 për The Door që në këtë mënyrë ka siguruar daljen në gjysmëfinale dhe me shumë mundësi do të jetë një nga skuadrat finaliste të këtij edicioni nisur nga paraqitja në ndeshjen e sotme.

Kryesueset e kampionatit pas fazës së parë velipojaket e Adës pak ditë më parë bën realitet blerjen e golashënuesve më të mirë të femrave për këtë edicion- Megi Doçin e ekipit Tirana AS. Me këtë përforcim, u duk se ajo skuadër do ishte sërish e favorizuar për të qenë ajo kampione e vendit edhe këtë edicion, por nuk mendon kështu Juban Danja. Ekipi rival i Adës, që ndodhet vetëm tre pikë pas saj në renditje, ka bërë të mundur sot marrjen e tre futbollisteve kosovare. Bëhet fjalë për Sadije Koçin mbrojtëse, Adelina Deda po mbrojtëse dhe sulmuesen Endrina Elezi.

Ekipi i Adës në futboll për femra e ka marrë shumë seriozisht luftën për të dalë për të dytin vit rradhazi kampion i Shqipërisë. Pasi  e ka mbyllur fazën e parë në vend të parë me fitoren e arritur ndaj rivales direkte Juban Danjës, ajo është tre pikë para saj në renditje dhe për ta ruajtur këtë pozicion deri në fund, ka hyrë në merkato për marrjen e lojtareve cilësore. Blerja e parë që presidenti i këtij ekipi Lazer Matia ka bërë, ka qenë shumë e goditur. Ada ka marrë futbollisten Megi Doçi nga ekipi Tirana AS.

Ky është një moment vërtetë për t'u mbajtur mend gjatë. Ka