PA KATEGORI

Një tjetër fitore ka arritur skuadra e Juban Danjës në javën e dytë të kampionatit kombëtar të futbollit të femrave. Pas fitores në javën e parë të kampionatit me The Door 5-1, dje vajzat e presidentit Ferdinand Jaku kanë mundur thellësisht Shkëndinë e Durrësit me rezultatin 7-0. Ka qenë një fitore e cila nuk është vënë asnjëherë në dyshim nga vajzat e kësaj skuadre e cila po konfirmohet gjithnjë e më tepër si pretendente për titullin kampion këtë sezon.

Java e parë e kampionatit ka dhuruar fitore të thella për dy prej skuadrave të Shkodrës. Kampionia në fuqi, Ada e Velipojës ka luajtur në Shkodër në javën e parë të kampionatit kombëtar të femrave dhe ka mundur thellësisht Dardaninë 8-0. Golat për ekipin e Adës kanë patur për protagoniste futbollistet Tula, Shpuza, Abazi e Lazri. Juban Danja ndërkohë është ndeshur sipas kalendarit me ekipin “The Door”, pra një derbi shkodran. Ndeshja është dominuar tërësisht nga vajzat e Jubanit që kanë arritur të fitojnë në fund 5-1.

Në ndeshjet e rradhës të Kupës së Europës në shah ku është duke marrë pjesë edhe ekipi kampion i Shqipërisë, Veleçiku i Koplikut, ky ekip dje ka arritur një fitore me shumë vlera. Ai ka fituar ndaj kundërshtarëve nga Uellsi të ekipit Nidium Chess Club

Javën e dytë të tetorit pritet të nisë kampionati kombëtar i hendbollit për të rritur. Në këtë kampionat, krahas ekipeve të tjera, do marrë pjesë edhe Vllaznia e Shkodrës. Përveç saj, pjesmarrëse do jenë edhe ekipet e Elbasanit, Studentit, Tiranës, Universitetit “Skënderbej” etj.

Mëngjesin e sotëm është ndarë nga jeta në moshën 72 vjeçare ish-atleti i Vllaznisë Gjon Rudi. Vdekja e tij natyrisht që është një humbje për atletikën shkodrane megjithatë ajo çfarë ka dhënë ai për këtë sport, do të kujtohet gjatë në vite.

Për ndeshjen e rradhës me Rumaninë dhe atë të fundit eliminatore me Francën, trajneri i kombëtares shqiptare të futbollit Josif Kuzhe ka thirrur edhe mbrojtësin e Vllaznisë Arsen Sykaj. Një vlerësim natyrisht për këtë lojtar që është kthyer në një nga pikat më të forta të skuadrës shkodrane ndërkohë që Sykaj është edhe kapiteni i ekipit kombëtar Shpresa.

Sezonin e kaluar ka qenë tjetër histori në Gramsh. Pritja e vendasve ndaj ekipit të Adës ka qenë aspak e mirë. Kjo gja pat lënë shije të hidhur tek futbollistët e drejtuesit e skuadërs velipojake të cilët nuk e kuptojnë se pse gramshiotët duhej të silleshin në të njëjtën mënyrë. Tashmë është rradha “për të marrë hak” meqë ndeshja do luhet në Velipojë.

Vllaznia- Prizreni 69-86
Setet: 1) 17-18, 2) 15 – 14, 3) 18-29, 4) 19-25
Vllaznia: Taraboshi, Nexhemi, Berdica, Llazani, Gjoka (u aktivizuan: Shabani, Sukaj) Tr: Bledar Gjeçaj
Prizreni: Trolli, Shaptanoviç, Qollaku, Spaçi, Rexha (u aktivizuan: Kurti, Bipaj, Gashi, Sisoko) Tr: S. Kataliviç

Skuadra e Vllaznisë ka zhvilluar një ndeshje miqësore me ekipin e Prizrenit të Kosovës. Takimi është luajtur në qytetin e Shkodrës në pallatin e sportit “Qazim Dervishi”.

Bledar Perfati, Suad Kaloshi, Jaser Rrustja, Marvin Skutina e Senad Lekaj, janë pesë futbollistët shkodranë që luajnë në kampionatin kosovar të futbollit me ekipin e Trepçes. Ata janë titullarë në këtë skuadër e cila ka për president, menaxherin e njohur kosovar Nexhmedin Haxhiu.