PERSONAZHE

Trajneri i shquar i mundjes së lirë në klubin Vllaznia, i mirënjohuri Eljaz Ahmeti, është nderuar sot me titullin e lartë "Mirënjohja e Qytetit" nga ana e Bashkisë Shkodër. Vendimi është marrë në mbledhjen e fundit të Këshillit Bashkiak teksa të gjithë anëtarët e tij kanë qenë plotësisht dakord që një figurë e tillë sportive të nderohej me një titull të tillë. Ndërkohë, ceremonia për dhënien e këtij titulli, është zhvilluar pasditen e sotme në një nga lokalet pranë pallatit të sportit "Qazim Dervishi". Kanë marrë pjesë drejtues të sportit, miq e kolegë të këtij mjeshtri por edhe shumë mundës të dalë nga duart e tij.

Në Kampionatin Ballkanik të vitit 1946 që u zhvillua në Tiranë në datat 6-13 prill me pjesmarrjen e Shqipërisë, Jugosllavisë, Bullgarisë, Rumanisë, në rradhët e kombëtares shqiptare ka qenë edhe Bimo Fakja. Ai u lind në vitin 1920 në Lagjen Kiras. Futbollin e nis që i vogël sepse është një lojë pas të cilës dashurohet shpejt dhe dallohet për përdorimin e topit me të dy këmbët por edhe lojën e mirë me kokë. Megjithatë pjesmarrja e tij e parë në kampionat zyrtarisht me fanellën e Vllaznisë është në kampionatin e vitit 1936 përkrah Dizdarit, Kazazit, Osmanit, Alibalit, Tartarit, Dervishit, Shalës, Halepjanit, Rusit. Luan deri në vitin 1939 dhe më pas shkon në Itali ku stërvitet me Bolonjën. Në fakt, një mik i tij i kishte thënë që në Tiranë kishte ardhur për të vlerë lojtarë trajneri i ekipit të Bolonjës Maina.

Me keqardhje të madhe, e ka pritur lajmin e largimit nga jeta të kolegut, shokut dhe mikut të tij të mirë edhe legjenda e portës shkodrane Paulin Ndoja. Duke folur për gazetën online shkodrasport.com, ai do të evidentonte shpejt e shpejt disa nga karakteristikat e Medin Zhegës që e bënë atë të ishte jo më kot i vlerësuar në maksimum nga të gjithë. Paulini flet dhe trupi i tij i rënqethet herëpashere. Do ta ndjejë mungesën e kolegut të tij.

Pak ditë më parë është ndarë nga jeta në moshën 86 vjeçare ish- futbollisti i Vllaznisë Buto Smaja. Karriera e tij ndonëse e shkurtër, ka lënë gjurmët e tij në rezultatet e ekipit shkodran teksa me vlerat që dispononte, ka ndihmuar në arritjen e rezultateve pozitive. Ka nisur të luajë herët futboll ndërkohë që në kampionatin e vitit 1952 rreshtohet për herë të parë me ekipin e të rriturve të Vllaznisë. Luan në pozicionin e mesfushorit dhe dallohet për disa tipare të mira dhe trajnerët Muc Koxhja e Rifat Rusi, jo më kot do ta aktivizojnë në formacionin e parë përkrah emrave të tillë të asaj kohe si Muhamet Dibra, Preng Gjeloshi, Kol Gjoni, Xhelal Juka, Qamil Medja, Adem Smajli, Zija Cungu, Eshref Dani, Ali Kullolli, Ali Tepelija etj.