PESHENGRITJE

Federata Botërore e Peshëngritjes ka marrë vendimin e pezullimit të Shqipërisë pas tre rasteve të dopingut për sportistët e saj gjatë këtij viti. Vendimi thuhet të jetë marrë prej kohësh nga kjo Federatë por nuk është bërë publik nga drejtuesit e Federatës sonë ngaqë vendimi përfundimtar për masën e dënimit do jepet nga Bordi Ekzekutiv i Federatës Botërore në mbledhjen e tij të datës 15 shtator. Rastet me doping të Ilir Sulit, Erkand Qerimajt dhe Hysen Pulakut, e kanë bërë punë të kryer dënimin e Federatës tonë sepse ky është rregulli.

Fillimisht 4 vjet, pastaj 2 dhe tani vetëm 13 muaj pezullim për peshëngritësin Erkand Qerimaj. Vendimi i fundit është dhënë nga Gjykata e Arbitrazhit Sportiv në Lozanë të Zvicrës. Gjykata pasi ka analizuar faktet e paraqitura dhe sigurisht që nuk mund të vendoste ndryshe përveçse për uljen e dënimit ngaqë është provuar katërcipërisht se marrja e asaj substance të ndaluar përmes vitaminës ka ardhur tërësisht nga mosnjohja e saj.

Peshëngritësi shkodran Flogert Mali është shpallur kampion i Shqipërisë në peshën 69 kg në kampionatin e fundit kombëtar të grupmoshës 17 vjeç. Ky kampionat është zhvilluar dje në Vlorë dhe kanë marrë pjesë në të 15 ekipe të vendit me sportistët e tyre më të mirë. Vllaznia është përfaqësuar në këtë kampionat me dy sportistë, Flogert Malin dhe Emanuel Lushin. Paraqitjen më të mirë e ka bëri i pari që në peshën e tij ka arritur t'i sfidojë të gjithë duke zënë vendin e parë me 215 kg.

Deri dy ditë më parë ka qenë pjesë e ekipit olimpik që do marrë pjesë në “Londra 2012”. Në mënyrë krejt të papritur, kryetrajneri I peshëngritjes Genc Barkiçi e sheh veten jashtë këtij ekipi. Ndonjë përplasje me sportistët që kërkonin trajnerët e tyre në këtë aktivitet shumë të rëndësishëm, është shfrytëzuar nga krerët e KOKSH-it për ta larguar trajnerin shkodran. Ai e konsideron personale një largim të tillë ndonëse sipas tij, nuk ka asnjë motivacion për ta bërë këtë gjë.

Ndodh edhe kështu. Ditën e djeshme u nxitua të publikohej lajmi se peshëngritësi Erkand Qerimaj ishte pezulluar për 4 vite nga Federata Botërore e Peshëngritjes. Mediat i referoheshin kësaj të fundit që e kishte publikuar pezullimin në faqen e saj të internetit. Por e gjitha ka qenë një gafë e madhe dhe nuk dihet ende se si ka ndodhur. Sot ka mbërritur në Tiranë vendimi zyrtar që e pezullon Erkand Qerimajn për një periudhë dyvjeçare. Sigurisht që lajmi i dalë dje i ka interesuar dikujt. Mbase edhe marëdhëniet mes Federatës sonë dhe asaj Botërore nuk janë në nivelin e duhur dhe për rrjedhojë, informacioni nuk vjen në rrugë zyrtare por kjo që ndodh është absurde.

Ka mbërritur sot lajmi i keq për peshëngritjen shkodrane dhe atë shqiptare. Ka ardhur përgjigja nga Federata Botërore e Peshëngritjes e cila konfirmon dënimin e peshëngritësit shqiptar, Erkand Qerimaj, i cili u shpall kampion Europe në Turqi, pak kohë më parë. Atij i eshte hequr titulli i kampionit të Europës dhe të gjitha medaljet e fituara në Kampionatin Europian të Shtangës, që u zhvillua në muajin prill në Turqi. Po ashtu,ai nuk mund të përfaqësojë Shqipërinë në Lojërat Olimpike të kësaj vere, ndërsa pezullohet nga të gjitha garat për katër vjet, më saktësisht deri më 22 maj 2016.

Ditën e sotme, ashtu siç pritej ka patur një reagim nga peshëngritësi Erkand Qerimaj. Lajmet e publikuara në të gjitha mediat sportive, sigurisht që e kanë shokuar atë. Fakti që është shkruajtur se ai ka rezultuar pozitiv në testin e antidopingut pa ardhur përgjigja përfundimtare nga Federata Botërore e Peshëngritjes, e bëjnë shkodranin të mendojë se diçka mund të jetë kurdisur kundër teje. Përmes një deklarate për shtyp, ai ka sqaruar gjithçka në lidhje me këtë çështje duke thënë se është i pafalshëm dhe pret ballëhapur vendimin që do vijë në ditët e ardhshme nga Federata Botërore e Peshëngritjes. Ja deklarata e plote e tij dhene sot:

Peshëngritësi shkoran Ekand Qerimaj ka rezultuar pozitiv në testin antidoping që i është nënshtruar në europianin e Antalyas, aty ku ai doli kampion Europe në peshën 77 kg. Federata Botërore e Peshëngritjes njofton se pas testeve të bëra në urinën e Qerimajt është gjetur një substancë e familjes “Metyl hexanamine” e përfshirë në listën e të ndaluarave qysh nga viti 2011.Sipas udhëzimeve të Federatës Botërore, subtanca të kësaj familjeje gjenden në nutrimentet ushqimore, në mënyrë tipike ato që janë të dizenjuara për të rritur enegjinë apo për humbjen e peshës. Kampioni Qerimaj ka bërë dy analiza, njëra e befasishme 8 ditë para europianit dhe tjetra ditën e garimit.

Opinion nga Senad NIKSHIQI

Ka dy tre ditë që Romela Begaj shpërblehet përmes Këshillit Bashkiak të Tiranës me 20 milionë lekë të vjetra për rezultatet e saja në Kampionatin Europian i zhvilluar para pak ditësh. Në Shkodër askush nuk reagon. Madje as Kryetari i Këshillit Bashkiak të Shkodrës Bardh Lohja. As shefat e tij Luka e Troshani që përmes Lohjes në mbledhjen e fundit do thonin se Begaj nuk do marrë asnjë shpërblim dhe i quajtën ”gënjeshtra gazetash”.

Gati dy javë më parë, në pritjen që u bë në Shkodër, ATA ishin të parët. Tek dera e makinës, tek tufat me lule, tek përqafimet dhe premtimet. Para kamerave, sigurisht që fjalët e bukura nuk mungojnë asnjëherë. Drejtuesit e pushtetit lokal, gati dy javë më parë thanë dhe u deklaruan krenar për arritjet e bashkëqytetarit të tyre Erkand Qerimaj që kishte zënë vendin e parë në Europë. Atë ditë u tha dhe u deklarua se do bëhej më e mira e mundshme që Erkandit t'i krijoheshin kushte sa më të mira stërvitore. Madje u premtua se shpejt do ndërhyhej në palestër për ta meremetuar me paisjet e duhura dhe krijimin e kushteve sa më të mira stërvitore në mënyrë që ky Kampion Europe, pse jo të mos bëhej edhe Kampion Olimpik! Por nga e thënë në të bërë, ka shumë distancë. Sidomos në Shkodër. Më e bukura është se sot, në mbledhjen e rradhës të Këshillit Bashkiak të këtij qyteti, ky KAMPION është "injoruar".