PESHENGRITJE

Neser mbrema ne oren 19.00 ne Turqi ne garat e Kampionatit Europian do te konkurroje peshengritesi shkodran Erkand Qerimaj. Ai do garoje ne peshen 77 kg dhe ka pretendime serioze per te hyre ne zonen e medaljeve. Qerimaj eshte nder sportistet me cilesore te ekipit tone kombetar tek i cili jane perqendruar te gjithe. Forma sportive e tij duket shume e mire. Njeri nga trajneret qe ka punuar me te para nisjes per ne Europian, pikerisht trajneri i ekipit te Vllaznise Muhamet Tuzi, duke folur per gazeten online www.shkodrasport.com ka thene: "Erkandi ka bere nje stervitje shume te mire gjate kesaj periudhe. Me ato qe ka paraqitur ne stervitje, nese i arrin edhe ne Europian, me siguri qe do te futet ne zonen e medaljeve. Sigurisht qe duhet edhe pak fat dhe shpresojme qe kete here, te arrije suksesin. Une kam shume besim tek ai".

Një nga peshëngritësit më të mirë të vendit prej vitesh, natyrisht që është edhe shkodrani Isa Bala. Në fillim të muajit mars të këtij viti, në garat e kampionatit kombëtar që u zhvilluan në Elbasan, ai doli kampion në peshën super të rëndë +105 kg. Ky ka qenë titulli i nëntë kampion për të. Përveç këtyre titujve, ka shumë arritje edhe në fushën e rekordeve të thyera teksa ato që "mbajnë firmën" e tij janë me dhjetra. Bala do jetë pjesë e ekipit kombëtar të peshëngritjes që do marrë pjesë në Kampionatin Europian që zhvillohet muajin e ardhshëm në Turqi. I pyetur në lidhje me objektivat e tij, ai do shprehej: "Objektivi im në Europian është të renditem ndër 10 sportistët më të mirë të kontinentit në peshën time. Gëzoj një formë të mirë sportive dhe besoj se paraqitja në Turqi do jetë e mirë".

Dy peshëngritës të Vllaznisë do jenë pjesë e ekipit kombëtar shqiptar që do marrë pjesë në Kampionatin Europian të peshëngritjes që do të zhvillohet në Antalia të Turqisë në datat 6-16 prill. Ata janë pikërisht Erkand Qerimaj dhe Isa Bala. të dy këta sportistë sapo janë shpallur edhe kampion të Shqipërisë, në kampionatin e fundit që u zhvillua në Elbasan. Qerimaj doli kampion në peshën 85 kg por në fakt në Europian do konkurrojë në peshën e tij të preferuar- 77 kg. Ndërsa Bala do konkurrojë në peshën super të rëndë +105 kg. Forma e të dy sportistëve është shumë e mirë dhe kuptohet që shpresat për medalje ekzistojnë. Dy peshëngritësit shkodranë do jenë të shoqëruar edhe nga trajneri shkodran Genc Barkiçi, që është trajneri i parë i ekipit përfaqësues.

Kur pritej që ekipi i peshëngritjes së Vllaznisë të shpallej kampion i vendit për të tretin vit rradhazi, nuk ka ndodhur kështu. Në garat e zhvilluara sot në Elbasan, shtangistët shkodranë nuk kanë arritur dot të zënë vendin e parë në renditjen ekipore duke u renditur të dytët pas Elbasanit. Ajo që ka çuar në këtë dështim nëse mund të themi kështu, ka qenë mosrenditja e dy sportistëve në dygarësh. Pikërisht Gridi Jahja në peshën 69 kg nuk ka arritur të klasifikohet në dygarësh e të njëjtin fat ka patur në këtë peshë edhe 16 vjeçari Flogert Mali. Të dy këta sportistë ishin planifikuar për t'i dhënë pikë ekipit në mënyrë që ai të dilte kampion dhe kjo gjë ndikoi në renditjen përfundimtare.

Përveç Muhamet Tuzit, një tjetër trajner i ekipit të peshëngritjes së Vllaznisë që është po aq entuziast për suksesin në kampionatin e rradhës të këtij sporti, është edhe Artur Lagja. Ish-kampioni i disa viteve me rradhë në këtë sport, tashmë në rolin e trajnerit, i është përveshur mirë punës prej kohësh me sportistët që ai stërvit. Për rrjedhojë, ka shumë besim se të tre sportistët e tij, Isa Bala, Senad Perfati dhe Valmir Kotrri do paraqiten mirë. Përveç Balës që e mendon si të sigurtë kampion në peshën super të rëndë, trajneri Lagja ka shumë besim edhe tek Kotrri që do konkurrojë në peshën 62 kg. Megjithatë ai fjalë të mira flet edhe për sportistët që drejtohen nga dy trajnerët e tjerë, Genc Barkiçi dhe Muhamet Tuzi.

Ndodh edhe kështu. Në vend që të pretendojë rritjen e fondit për vitin aktual, ekipi I peshëngritjes së Vllaznisë do të ketë më pak fond në dispozicion për vitin 2012 nga ana e klubit. Nuk bëhet fjalë për ndonjë reduktim të madh të fondit por e rëndësishme është që ky ekip sivjet do ketë 500 mijë lekë të vjetra më pak në dispozicion. Lajmi bëhet I ditur për gazetën online shkodrasport.com nga njëri prej trajnerëve të këtij ekipi Muhamet Tuzi që do thoshte: “Na është komunikuar nga ana e drejtuesve të klubit që sivjet do kemi 500 mijë lekë të vjetra më pak në dispozicion. Më duket paksa absurde kjo gjë sespe jemi ekip kampion dhe në vend që të pretendojmë rritjen e fondit, na e zvogëlojnë atë. Kjo nuk është aspak normale.

Kampionati kombëtar I peshëngritjes për të rritur, nuk do të zhvillohet në qytetin e Durrësit siç ishte planifikuar. Arsyeja është se pallati I sportit “Ramazan Njala” I këtij qyteti është në rikonstruksion dhe për këtë arsye, drejtuesit e Federatës Shqiptare të Peshëngritjes kanë vendosur ta ndryshojnë vendin e zhvillimit të këtij kampionati. Ai do të zhvillohet tashmë në qytetin e Elbasanit më datat 4-5 mars. Lajmi konfirmohet për gazetën online shkodrasport.com nga sekretari I kësaj federate, Ilir Kraja. Në këtë mënyrë institucioni që ai drejton e ka gjetur vendin se ku do ta zhvillojë këtë kampionat dhe sigurisht që ne bashkohemi me keqardhjen e  trajnerëve dhe sportistëve të klubit Vllaznia që prej vitesh kërkojnë zhvillimin e tij në Shkodër por kjo gjë nuk merret përsipër nga drejtuesit e klubit shumësportësh Vllaznia gjoja për mungesë të ambjentit të duhur.

Ekipi i Vllaznisë në peshëngritje do të kërkojë të mbrojë titullin kampion sërish.Në vitin 2010 dhe 2011, ky ekip është shpallur kampion i Shqipërisë për të rritur. Të njëjtën objektiv ky ekip ka edhe për vitin 2012. Kampionati i këtij viti zhvillohet në datat 3-4 mars në qytetin e Durrësit dhe njëri nga trajnerët e Vllaznisë, pikërisht Muhamet Tuzi, është optimist për suksesin e rradhës. Ai e ka shprehur këtë gjë edhe për gazetën online www.shkodrasport.com kur ka thënë: "Objektivat tona janë të qarta dhe besoj shumë tek suksesi edhe në këtë kampionat. Këtë besim e kam nisur nga stërvitja që është bërë dhe kontigjenti i sportistëve që kemi në dispozicion. Gjatë kësaj periudhe është punuar mirë dhe kjo punë shpresojmë të shpërblehet me vendin e parë në kampionatin e rradhës".

Komiteti Olimpik Kombëtar Shqiptar nuk ia ka hequr bursën olimpike peshëngritësit shkodran Erkand Qerimaj. Kërkesa ishte bërë nga ana e Federatës Shqiptare të Peshëngritjes por në mbledhjen e djeshme të Komisionit teknik të KOKSH, kjo kërkesë ka rënë poshtë. Madje, është vendosur prej tij, që si Qerimajt ashtu edhe Pulakut, peshëngritësit tjetër që pretendohej t'i kalohej bursa, t'i shtohet pagesa për stërvitjen në mënyrë që atyre t'u krijohen të gjitha kushtet e nevojshme për t'u përgatitur sa më mirë për Olimpiadën e Londrës që zhvillohet këtë verë. Kësisoj KOKSH ka hedhur poshtë kërkesën e federatës së shtangës e cila krijoi jo pak pakënaqësi tek Erkand Qerimaj sepse ai prej vitesh është nga sportistët më të mirë në vend.

Peshëngritësi i talentuar shkodran Erkand Qerimaj ka përfituar sot një shumë prej 600 mijë lekësh të vjetra për një periudhë tremujore në prag të pjesmarrjes së tij në Lojërat Olimpike që do të zhvillohen në verë në Londër. Kjo shumë e caktuar, do të jetë shtesë e trajtimit ushqimor për këtë sportist të cilësisë së lartë pikërisht në përgatitjet e tij për pjesmarrjen në këtë eveniment kaq të rëndësishëm të sportit botëror. Pra, për tre muaj me rradhë, për Qerimajn do të ketë një shtesë nga 200 mijë lekë të vjetra për trajtimin ushqimor. Vendimi për këtë është marrë në mbledhjen e sotme të Këshillit Bashkiak Shkodër.