VOLEJBOLL

Skuadra e të rinjve të Vllaznisë në volejboll nuk ka arritur të fitojë finalen e kupës së rinisë që sivjet ka mbajtur emrin Andrea Xhori. Në finalen e luajtur mesditën e sotme ata janë mundur me rezultatin 2-3 nga ekipi Farka Volej. Sipas informacioneve që marrim, ka qenë një ndeshje shumë e fortë dhe jo më kot, është dashur edhe seti final për të përcaktuar ekipin fitues. Pikërisht në këtë set, Farka Volej është treguar më e saktë duke e fituar atë dhe krejt ndeshjen. Po ashtu edhe kupën e vënë me këtë rast ndërkohë që Vllaznia është mbajtur me vendin e dytë.

Ditën e sotme janë luajtur ndeshjet gjysmëfinale të Kupës së Rinisë që sivjet mban emrin Andrea Xhori. Sipas shortit të hedhur, Farka Volej është ndeshkuar me skuadrën e Apolonisë dhe ka fituar pa asnjë problem me rezultatin 3-0. Në ndeshjen tjetër gjysmëfinale, atë mes Vllaznisë dhe ekipit vendas të Tiranës, ka patur më shumë interes. Tek Vllaznia ka munguar njëri nga lojtarët kryesorë- Rexhvelaj megjithatë kjo gjë nuk i ka penguar djemtë shkodranë të drejtuar nga trajneri Mirjam Rrahishta të luajnë bukur dhe ta fitojnë gjithë ndeshjen me rezulatin e pastër 3-0.

Volejbolli shkodran i femrave sigurisht që ka shumë të bëjë me cilësinë sportive sepse sapo është krijuar megjithatë në rangun e bashkëpunimit me ekipet e tjera fqinje duket se nuk do jetë mbrapa ekipeve të tjera të klubit Vllaznia, për të mos thënë më përpara tyre. Ndodh kështu, ngaqë Vllaznia në volejboll për femra, është shumë pranë binjakëzimit me ekipin Galep të Tivarit, fituesja e kupës në fuqi e shtetit fqinj ose më mirë të themi, ndër ekipet më të mira të Malit të Zi. Me ndërmjetësimin e Ardian Zaganjorit, ky ekip dje ka qenë në Shkodër pikërisht në kuadrin e bisedimeve për zgjerimin e marëdhënieve dhe bashkëpunimit me shkodranët.

Hemoragjia e largimit të sportistëve cilësorë nga Shkodra nuk do ketë ndalje as në vitin e ri që sapo kemi nisur. 2012-a ka nisur në mënyrën më të keqe për klubin Vllaznia. Kështu, volejbollistja më e mirë e ekipit të femrave të Vllaznisë, njëkohësisht edhe kapitenia e këtij ekipi- Ana Gjelaj, ka marrë një ofertë nga skuadra e Tiranës dhe ajo prej disa ditësh ka filluar stërvitjen me këtë ekip. Në ditët e ardhshme pritet të firmoset edhe kontrata përkatëse.

Në pallatin e sportit të qytetit të Peshkopisë është luajtur dje pasdite ndeshja e volejbollit për femra ndërmjet Korabit vendas dhe Tiranës kryesuese, që u fitua nga tiranaset me rezultatin 0-3. Rezultatet e seteve kanë qenë:13-25,10-25,16-25. Ka qenë një lojë mjaft e mirë që u dominua tërësisht nga vajzat tiranase duke fituar lehtësisht dy setet e para.

Financimi që po bën Bashkia Shkodër për futbollin e Vllaznisë ka nxitur njëfarë xhelozie tek sportet e tjera. Dikush e quan "xhelozi pozitive" ngaqë dëshirojnë që kjo dëshirë e këtij institucioni të vazhdojë përveç futbollit edhe në sportet e tjera. Pikërisht trajneri i volejbollit të meshkujve të Vllaznisë Artan Kalaja duke folur në lidhje me këtë çështje do shprehej: "Më vjen mirë që Bashkia Shkodër gjeti financime për të mbështetur futbollin me shuma të mëdha. Vjet kur isha pretendent për të dalë kampion, i kërkova 10 mijë euro për mbështetje financiare në mënyrë që të arrinim këtë objektiv madhor dhe nuk mu dhanë me pretendimin se nuk kemi fonde të tjera.

Një fitore dhe një humbje kanë arritur ekipet e volejbollit të klubit Vllaznia ditën e djeshme. Fitorja si zakonisht u takon ekipit të meshkujve të cilët në Shkodër kanë fituar me Skënderbeun e Korçës me rezultatin 3-1. Në fakt pavarësisht fitores së shkodranëve, ndeshja ka patur rivalitet sidomos në tre setet e para.

Ekipi i të rinjve të Vllaznisë ka luajtur sot paradite në Lushnjë ndeshjen e rradhës të kampionatit kombëtar ndaj ekipit vendas. Loja ka qenë e dominuar tërësisht nga djemtë e rinj shkodranë dhe vetëm në setin e parë ka patur pak rivalitet, set që u fitua nga Vllaznia 25-23. Në të dytin diferenca është e madhe dhe fitohet 25-12 ndërsa në të tretin 25-16.

Ekipi i volejbollit të meshkujve të Vllaznisë ka fituar pasditen e sotme ndeshjen e rradhës, atë që ka luajtur në Elbasan me skuadrën vendase me rezultatin 3-1.Loja ka dhuruar emocione teksa seti i parë ka patru shumë rivalitet dhe në fund është fituar nga Vllaznia 24-26, në të dytin epërsia ka qenë më e madhe dhe fitorja më e thellë 13-25.

Kryendeshja e javë në volejbollin e meshkujve mes Vllaznisë e Teutës ka përfunduar me fitoren e durrsakëve 0-3. Kampionët në fuqi kanë fituar pa probleme ndaj kuqebluve duke u hakmarrë për humbjen e fazës së parë që iu shkaktua nga shkodranët brenda në Durrës. Është pritur një sfidë me rivalitet por Teuta ka fituar pa probleme duke e mundur me rezultatin 0-3 Vllazninë. Durrsakët ka dominuar sfidën që nga fillimi e deri në fund duke mos e vënë asnjëherë në diskutim fitoren. Vllaznia nuk e nis mirë ndeshjen. Teuta fiton në setin e parë me 10 pikë diferencë 15-25.