Jupp Heynckes i ka kërkuar Bayern Munich të mos e nënvlerësojë Sevilla në çerekfinale të Ligës së Kampionëve.
Ndërkohë që Manchester City përballet me Liverpool në një duel i gjithi i Premier League, Real Madridi do të sfidojë Juventusit në një përsëritje të finales së vitit të kaluar, Bayern Munich ndoshta kanë një detyrë më të lehtë.
Por Sevilla eliminoi Manchester Unitedin në raundin e kaluar, duke fituar 2-1 në “Old Trafford”, falë një dopiete nga Wissam Ben Yedder.
Dhe Heynckes, i cili fitoi Ligën e Kampionëve me Bayernin në vitin 2013, kërkon përqendrim e shumë kujdes nga të tijtë:
“Ata janë një ekip shumë i mirë. Nëse e keni parë Sevilla duke luajtur kundër Manchester Unitedit, edhe pas kryesimit 1-0 kanë dëshmuar futboll me të vërtetë të mirë.
Sigurisht, Real Madridi, Barcelona, Manchester City po luajnë shumë mirë, Liverpool, po ashtu, mirë, por kemi pasur pesë skuadra angleze në 1/8 finale dhe kemi folur për ligën më të mirë në botë.
Ne si ekip nuk jemi euforikë nga shorti. Analistët e videove duhet të filtrojnë pikat e forta dhe të dobëta të kundërshtarit.
Do të kemi të njëjtin qëndrim ndaj kësaj loje, por e njoh futbollin spanjoll shumë mirë. E kam përjetuar Sevilla që kur Diego Maradona ishte atje.
E di atmosferën, e di se çfarë na pret atje, ndaj duhet të jemi me të vërtetë të kujdesshëm, nëse duam ta fitojmë këtë çerekfinale”.
Juventusi ka humbur dy nga finalet e fundit të Ligës së Kampioneve, por Jup Heynckes mendon se skuadra e Massimiliano Allegrit ka një shans për të kërkuar hakmarrjen kundër Real Madridit, i cili e ka mundur në Cardiff, finalen e vitit të kaluar.
“Ju kurrë nuk duhet ta nënvlerësoni Juventusin, ne e pamë atë kundër Tottenhamit, – shtoi Heynckes. – Bardhezinjtë kanë një ekip që, ndoshta, për shkak të Leonardo Bonuccit, i cili është shitur te Milani, nuk janë aq i qëndrueshëm në mbrojtje, por mbetet ende konkurrues.
Janë lojtarë me përvojë, kanë një trajner të nivelit të lartë, kështu që nuk do të jetë e lehtë për Real Madridin.
Liverpool-Manchester City është dueli më i hapur për mua. Mënyra se si Liverpool ka luajtur në javët e fundit është vërtet mbresëlënëse, fuqia sulmuese që tregon në fushë, distanca që mbulon.
Unë kam qenë shumë i impresionuar me futbollin e bukur të skuadrës së Klopp, por është çerekfinalja e Ligës së Kampionëve, zbatohen rregulla të ndryshme nga kampionati”./telesport/
