Trajneri i Partizanit, Skënder Gega në “Zona Gol” në Supersport, ka folur për tema të ndryshme, pasi të kuqtë janë shpallur kampion.
Tekniku ka thënë se Çinarit nuk kanë patur mundësi t’i japin më shumë minuta, pasi ata kanë pasur në sulm një treshe të shkëlqyer.
Erald Çinari
“Jam krenar dhe shumë i lumtur për Çinarin. Në fillim s’kemi pasur shumë mundësi t’i japim minuta pasi kemi pasur në sulm një treshe të shkëlqyer, por në fund durimi fiton”.
Festa
“Nuk po dija nga të shkoja kur mbaroi ndeshja. Doja të përfaqësoja tifozët, lojtarët, stafin të gjithë, thjesht s’dija çfarë të bëja”.
Momenti më i keq i sezonit
“Ndeshja me Luftëtarin ka qenë një zhgënjim për mua. Ishin tri ndeshje rresht, që vetëbesimi na u kthye ne mosbesim. Ai ka qenë momenti më i vështirë i gjithë sezonit, për fat ndeshjen tjetër reaguam dhe çdo gjë u harrua”.
“Ndjej qe lojtarët më duan jashtë fushe, ndërsa unë i dua akoma dhe më shumë. Në momente të vështira u jam gjendur pranë”, ka thënë trajneri Skënder Gega./newsport/
