Reali i Madridit pritet t’i nënshtrohet një rigjenerimi total, me Zinedine Zidane që kërkon të largojë futbollistët e pavlefshëm për skemat e tij.
Plot 14 lojtarë të “Los Blancos” kanë përfunduar në listën e zezë të francezit, i cili është gati të bëj një revolucion të vërtetë te 13 herë kampionët e Europës.
Oscar Rodriguez do të huazohet sërish te Leganes, ashtu siç do të bëhet edhe me Reguilon dhe Theo. Në listën e largimeve janë edhe emra si Vallejo e Keylor Navas. Jashtë planeve të Zizu qëndrojnë edhe Marcos Llorente, Mateo Kovacic, Ceballos dhe Lucas Silva.
Të njëjtin fat pritet të kenë edhe Mariano e De Tomas, të cilët mund të ndiqen nga James Rodriguez dhe Gareth Bale. Mario Hermoso është shumë pranë largimit, teksa në njëri prej Isco ose Odegaard do i duhet të bëj gati valixhet.
Nga shitja e tyre, Reali i Madridit pritet të sigurojë të ardhura të konsiderueshme, të cilat do i përdor për të sjell në “Santiago Bernabeu”. Hazard, Jovic, Mendy dhe njëri prej Eriksen ose Pogba do i bashkohen dy futbollistëve më të rinj të kryeqytetasve spanjoll, Militao dhe Rodrygo./newsport/
