Permbysje e çmendur ne Ballsh. Vllaznia U19 ndodhej ne disaavantazh me rezultatin 1-4 dhe me 10 futbolliste deri ne minuten e 70-te, por ne fund gjerat kane ndryshuar dhe ne fund djemte e drejtuar nga trajneri Vioresin Sinani kane fituar me rezultatin 5-4.
Nje ndeshje qe ka dhuruar shume emocione dhe padyshim qe ia ka vlejtur per t’u ndjekur ajo e zhvilluar pasditen e sotme ne Ballsh. Kane qene vendasit te cilet kane kaluar te paret ne avantazh me ane te Santos ne minuten e 7-te, por tre minuta me vone Ersi Zaganjori ka barazuar per Vllaznia U19.
Por vetem kaq sepse shkodranet bejne shume gabime dhe luajne shume dobet. Si rrjedhoje Bylis U19 do te shenonte edhe tre gola te tjere njeri pas tjetrit, pikerisht dy me te njejtin autor Arbrin dhe tjetrin me lezhjanin Fabjan Perndreca. Ne kete menyre pjesa e pare do te mbyllej me shifrat 4-1 ne favor te mallakastrioteve.
Nje rezultat i tille te krijonte pershtypjen se kuqeblute e kishin mbyllur ndeshjen, per me teper qe ne minuten e 65-te mbesin me nje lojtar me pak ne fushe sepse portieri Fabian Lekaj doli me karton te kuq nga fusha e lojes. Por ketu do te ndryshonte gjithçka.
Ne minuten e 70-te sulmuesi Kevin Dodaj do te shenonte golin e dyte per Vllaznia U19. Kaq do mjaftonte qe tre minuta me vone Klajti Halili te shenonte golin e trete dhe te ngushtonte shifrat duke rihapur plotesisht ndeshjen. Nderkohe ne minuten e 80-te Xhoel Hajdari do te barazonte shifrat ne 4-4, perpara se Ersi Zaganjori serish ne minuten e 90-te te shenonte edhe nje gol tjeter, ate te fitores 5-4.
Ne minutat shtese Kevin Dodaj kishte mundesi te shenonte edhe nje gol te gjashte por gabon perballe portierit te Bylisit. Megjithate ketu mbyllet gjithçka me fitoren e Vllaznia U19 qe e nis kampionatin me nje trepikesh dhe per me teper, me nje fitore “te çmendur”./SHKODRA-SPORT.COM/
BYLIS U19- VLLAZNIA U19 4-5
Shenues: Santos ‘7, Arbri ’15, ’33, Perndreca ’40/ Zaganjori ’10, ’90, Dodaj ’70, Halili ’73, Hajdari ’80
VLLAZNIA U19: Lekaj, Sylia, Rroku, Çelepija, Selmani, Shimaj, Halili, Hajdari, Zaganjori, Dodaj, Kubazi. TrajnerL Vioresin Sinani. U aktivizuan edhe Jukaj, Marashi, Likaj, Brahimi e Hagrepi.
