Ka ndodhur shpesh në kategoritë e ulëta shqiptare, por në Superiore mund të jetë një risi në dekadat e fundit ajo që i ka ndodhur sot Kamzës.
Ekipi i Kamzës është paraqitur në Durrës pa portierin rezervë, ose më saktësisht pret ende dokumentacionin e portierit bullgar Kirev që shpresonte të kishte sot në pankinë.
Futbollisti u afrua si një përforcim i rëndësishëm në fundin e merkatos së verës te kamza, por sipas “SuperSport”, procedurat burokratike për regjistrimin e tij nuk kanë përfunduar.
Kësisoj, edhe pse është vënë në protokoll, ai nuk mund të ulet në pankinë për këtë sfidë.
Ekipi nuk kishte marrë me vete portier nga akademia, duke shpresuar që të zgjidhte situatën me Kirev dhe me sa duket, rrezikon seriozisht që të luajë ndeshjen pa një alternativë për titullarin Avdyli. /vipsport/
