Të premtën u luajt një finale e kampionatit shqiptar ajo mes Kukësit dhe Partizanit. Përveç rezultatit 1-1 në këtë sfidë, lajmi tjetër ishte se në “Loro Boriçi çmimi i biletës ishte 1000 lekë të reja.
Kjo lëvizje krijoj shumë debat, ndërsa klubi verilindor u justifikua me faktin se qeraja e stadiumit për këtë ndeshje ishte e lartë, 5 milionë lekë. Kjo lëvizje bëri që stadiumi të ishte bosh me jo më shumë se 500 tifozë.
Kukësi të mërkurën do të luajë ndaj Teutës dhe brenda pak ditësh klubi bie ndesh me vendimin që ka marrë se hyrja për tifozët do të jetë falas. Klubi nëpërmjet një postimi në “Facebook’ ka njoftuar të gjithë se dyert e “Elbasan Arena” do të jenë hapur për gjithë tifozët e të dyja skuadrave.
Përveç “Loro Boriçit” edhe “Elbasan Arena” ka një tarifë të lartë qeraje, por Kukësi tashmë ka vendosur që këtë tarifë ta paguajë vet.
