Pas barazimit ndaj Luftëtarit, Armando Cungu deklaroi se skuadra e tij po vuan pasojat e një ngërçi psikologjik që erdhi pas ndeshjes me Skënderbeun. Trajneri i Vllaznisë për gazetarët pas ndeshjes u shpreh se është një presion i jashtëm ai që bëhet te kuqeblutë: “Disa lojtarë janë futur të dëmtuar në lojë, por ky ishte kontigjenti dhe u munduan të alternonim pozicionit. Më shumë ka qenë një ngërç psikologjik për turpin e atyre që kanë hedhur helm për ndeshjen me Korcën.
I shërbyen kundërshtarit. Duhet të lajnë gojën kur të flasim për Armando Cungun për tolerim ndeshjesh. Presionin Vllaznisë ia sjellin nga jashtë. Kjo ndikoi tek paraqitja jonë e sotme në ndeshje dhe duhet ta pranojmë se kundërshtari e dominoi lojën dhe prandaj jam i kënaqur me barazimin që morëm. Ky nuk është gabim por do të vazhdoj ta quaj gabim të madh barazimin e para dy javëve ndaj Korabit,madje dua të shkoj edhe më larg. Që në ndeshjen e Vlorës skuadra jonë ka disa probleme dhe nuk po arrin t’i rikuperojë ato. Kanë mbetur edhe tre ndeshje dhe do të tentojmë të bëjmë maksimumin deri në fund të kampionatit për ta respektuar deri në fund atë”.
© shkodrasport.com
