Trajneri i Kukësit, Armando Cungu, ka pranuar pas ndeshjes se skuadra e tij pati disa probleme, por ai theksoi se ishte portieri Selmani ai që i mohoi fitoren. Cungu u shpreh se duhet pak kohë për Rrocën deh Shkurtajn, edhe pse e ka të qartë se në këto momente është rezultati që ka rëndësi. Pas barazimit 0-0, ai tha:
“Nuk ishte një nisje e keqe, pavarësisht rezultatit. Luajtëm mirë në këtë ndeshje dhe kishim raste, por në këtë ndeshje na ndali portieri Selmani. Ai ishte në ditën perfekte dhe emiton komplimente. Ishte rast shumë i mirë ai i Shkurtajt në fundin e pjesës së parë.
Rroca dhe Shkurtaj bënë një paraqitje pozitive, por duhet t’u japim atyre kohën e duhur, edhe pse dihet që duhen rezultatet
Koha nuk pret, sepse duhen pikë. Për 60 minuta luajtëm me sistemin që kemi pasur sukses në ndeshjet e fundit të kampionatit, si dhe në miqësoret e fazës përgatitore që bëmë në Turqi. Shtuam sulmuesit në fund, por nuk çaloi ekipi në mënyrën e lojës, në skemën e lojës. Ishte shumë e vështirë ta çaje kundërshtarin, që mbrohej mirë. Laçi njihet për shpirtin e garës.
Kam kërkuar që qarkullimi i topit të ishte më i shpejtë, sepse terreni nuk na lejonte. Goditëm në portë me vonesë, pse jo që në minutën e parë, por momentet vijnë atëherë kur t’i i krijon.
Nuk e di si duhet t’i rregullojmë gjërat me emergjencë. Nuk shoh presion të djemtë. Futbolli i tillë është, i ndërtuar mbi presionin.Jemi ekipi i vetëm që luajmë jashtë fushe dhe i falënderoj tifozët që kishin ardhur, por kaq nuk mjafton”. / Vipsport/
