Alen Sherri do të jetë portieri më i ri i Cagliarit. Siç është raportuar gjatë këtyre ditëve, gardiani i Kombëtares shqiptare ka vendosur të largohet nga Egnatia për të nisur një aventurë në Serie A.
Sherri do të nënshkruajë një kontratë 3-vjeçare, por do të ketë edhe opsionin e rinovimit me 1 vit tjetër.
Ndërkohë që Egnatia, do të përfitojë rreth 300 mijë euro nga shitja e portierit shkodran.
Ky i fundit mezi po pret që të bashkohet me Cagliarin. Madje dashurinë dhe ‘flirtin’ me klubin e ka filluar që tani. 26 vjeçari ka shtuar në Instagram faqen zyrtare të Cagliarit, por edhe dy faqe tifozësh, duke dhuruar dashuri para transferimit zyrtar.
