Humbja e Vllaznisë ndaj Kukësit me rezultatin 2-4 vendosi përballë në debat Bashkim Tufën dhe Altin Sulçe.
Të ftuar në “Ora Sport” në RTV Ora, dy njohësit e futbollit piketuan fajtorë të ndryshëm prë humbjen e shkodranëve.
Sipas Tufës, Vllaznia ka marrë maksimumin në këto 5 javë, ndërsa redaktori i Sportit në RTV Ora fajësoi teknikun Thomas Brdariç.
Pjesë nga debati në studio:
Tufa: Të marrësh 15 të rinj dhe të udhëheqësh kampionatin do të thotë, o këta 15 janë yje ose të tjerët janë zero. Unë jam ndoshta me atë që Vllaznia është në një vend shumë komod. Nuk e ka fajin trajneri që u mund Vllaznia.
Sulçe: Pse nga 1-0 në 2-4 nuk ka?
Tufa: Humb edhe më keq. Çfarë themi 6 me 1? Si t’ja bëjmë asaj? Po Ahmataj 4 me 0, çfarë të bëj? E ka fajin ai?
Sulçe: Shkodra ka blerje, Jul Ahmataj i ka të gjithë nga 17 vjeçë. Kapiten është Meksi, i vetmi që ka luajtur nga vjet. Ku ka lojtarë atje.
Tufa: A e kupton që nuk bëhet dot skuadër me 15-16 vetë të blerë?! Nuk është skuadër ajo. Si mund të bësh skuadër dhe për 5 javë ti të udhëheqësh. Vllaznia ka marrë maksimumin e mundshëm.
