Nga Endri ÇINARI
Vllaznia do presë ditën e sotme në orën 16:30, ekipin e Elbasanit. Një duel që do zhvillohet në “Loro Boriçi” dhe ku kuqeblutë duan reagimin. Kjo pas dy humbjeve rradhazi, që duket se kanë “turbulluar” situatën në rradhët e shkodranëve. Nga ana tjetër vjen Elbasani, që në stol do ketë një trajner të ri. Ivan Gvozdenoviç para pak ditësh u prezantua si timonieri i ri i verdhebluve.
Me serbin që kërkon ta nisë me këmbën e mbarë aventurën e re në rradhët e Elbasanit. Për këtë arsye ai duket se mes dyshimesh për disa futbollistë ka ndërtuar edhe formacionin që do hedhë sot në fushë.
Kështu në portë si një pikë e fortë e ekipit konfirmohet Abalora. Në mbrojtje të sigurtë duken emra si: Lulaj, Musta dhe Lila, me verdheblutë që prezantohen me mbrojtjen me 3.
Në mesfushë para mbrojtjes do jenë të rreshtuar dyshja Dros dhe Qose e ndërsa nga e djathta pritet si titullar Lajthia. Një dyshim ka për krahun e majtë, ku titullari i zakonshëm, Hakaj ka pasur një shqetësim fizik. Me shkodranin që pritet të zëvendësohet nga Greca.
Në sulm për elbasansit pritet të udhëheqë Lleshi, i cili shënoi dy gola edhe në ndeshjen e fundit ndaj Bylis. Me sulmuesin që do ketë edhe mbështetjen e Gjonit dhe Kases nga krahët e repartit të avancuar./www.shkodrasport.com/
