Ne prag te ndeshjes se rradhes te Vllaznise, asaj qe do te luaje neser ne ora 17:00 ndaj Dinamo City ne stadiumin “Niko Dovana”, ka dhene nje prononcim per mediat ish- futbollisti dhe ish- trajneri i saj Hysen Dedja, i cili eshte shprehur ne kete menyre:
“Pres të jetë një përballje e vështirë. Për më tepër, Dinamo vjen pas një fitoreje me Skënderbeun. Megjithatë, e shikoj si një ndeshje të radhës, ku edhe mund të merret më e mira nga skuadra.
Nuk mendoj se trajneri Osmani do të hedhë në fushë skuadrën për të arritur një barazim. Ai do të kërkojë që ta fitojë këtë ndeshje. Një favor që ka Vllaznia është se Dinamo nuk luan në shtëpinë e vetë. Kjo ndeshje luhet në fushë asnjanëse dhe Vllaznia do të kërkojë tri pikë”.
Dedja e ka analizuar nga jashte situaten ne kampin shkodran, por duket se e njeh mire ate prandaj dhe eshte shume i bindur qe Vllaznia do te jete ne katershen e ekipeve me te mira qe ne fund te kampionatit pastaj do te luftojne per titullin kampion./SHKODRA-SPORT.COM/
