Kylian Mbappe në orët në vijim do të jetë i ftuar në programin televiziv “Envoye Special”, në të cilin do të flasë për shumën e pagës së tij dhe fondacionin në të cilin kontribuon, përkatësisht “Inspired by Kylian Mbappe”.
Siç shpjegohet nga AS, tashmë ka dalë një pjesë e intervistës, ajo që ka të bëjë me Fayza Lamari, ose nënën e Kylian Mbappe, e gatshme të dhurojë 30% të të ardhurave të djalit të saj për fondacionin.
Nëna e Kylian Mbappe gjatë programit foli për rrogën e djalit të saj dhe faktin se, nisur nga sistemi, është e drejtë të pranohen edhe shuma të mëdha.
“Nuk ka as faj dhe as turp”, ka shpjeguar Fayza Lamari, nëna e Kylian Mbappe. “Nëse mund të kishim marrë 10 miliardë, do t’i kishim marrë, sepse kështu funksionon sistemi”, tha ajo, duke u shprehur qartësisht krenare për kontratën e nënshkruar nga djali i saj, Kylian Mbappe.
Siç u përmend, nuk parashikohet asnjë pasazh gjatë programit francez në lidhje me të ardhmen e lojtarit, por që siç dihet, në fund të sezonit mund të realizojë më në fund ëndrrën e tij: transferimin te Real Madrid, me negociatat që vazhdojnë prej vitesh./telesport/
