Pas largimit nga “Vllaznia B”, mesfushori shkodran Bekim Dema është vënë menjëherë në kontakt me disa skuadra për të vazhduar karrierën e tij. Bëhet fjalë për ekipe kosovare por edhe shqiptare dhe këtë e ka pranuar në një prononcim për gazetën “Shkodra SPORT” edhe vetë lojtari. Duke folur në lidhje me këtë çështje, ai ka deklaruar: “Jam në kontakte me disa ekipe.
Kam një opsion për të shkuar në Kosovë por ende nuk ka asgjë konkrete sepse jemi ende në fazën e bisedimeve. Po ashtu, janë edhe dy ekipe të Shqipërisë me të cilët po bisedoj. Besoj se brenda kësaj jave do të mbyll gjithçka dhe do të vendos për të ardhmen time. Deri të shtunën me shumë të ngjarë do të mësoni edhe emrin e ekipit me të cilin do ta vazhdoj karrierën”.
© shkodrasport.com
