Tre boksierë shkodranë dhe pikërisht Kristian Demaj, Kristian Shytani dhe Ronildo Piranej, janë duke përfaqësuar ekipin e Podgoricës në Euroligë ku ai merr pjesë. Në këtë Ligë marrin pjesë ekipe nga shumë vende të Europës dhe në mungesë të një ekipi nga Shqipëria, boksierër shkodranë janë ftuar të përfaqësojnë ekipin malazez. Natyrisht nuk ka qenë një ftesë sa për të kaluar rradhën, por drejtuesit e “Podgorica Falcons”, i kanë marrë tre boksierët shkodranë për të plotësuar ekipin e tyre dhe për të korrur suksese me to. Kështu ka ndodhur edhe parmbrëmë teksa ndeshja e rradhës për këtë ekip ka qenë ajo e zhvilluar në Hungari ndaj vendasve të Dragon. Nga tre shkodranët, ka humbur Ronildo Piranej në peshën 60 kg ndaj boksierit Zoltan Sinko ndonëse është duatrokitur për paraqitjene tij, ndërsa kanë dalë fitues dy të tjerët dhe pikërisht Kristian Shytani në peshën e re tashmë për të, atë 69 kg dhe Kristian Demaj në peshën 91 kg. Fitorja e këtij të fundit merr vlera edhe më të mëdha sepse kundërshtari i tij, Jozsef Darmos, është i treti në Europë megjithatë boksieri shkodran ka arritur ta mundë brenda në vendin e tij duke treguar një nivel të lartë boksimi. Edhe Shytani ka bërë një ndeshje shumë të bukur ndaj boksierit Daniel Zambo dhe ka fituar ndaj tij me superioritet. Me fitoret e tyre, boksierët shkodranë i kanë dhënë pikë ekipit të Podgoricës që kryeson grupin e përbërë nga 8 ekipe të Rajonit tonë. Të tre boksierët shkodranë kanë udhëtuar dje sërish bashkë me pjesën tjetër të ekipit malazez drejt Sllovakisë ku sonte në darkë do të kenë ndeshjen e rradhës me ekipin vendas dhe natyrisht priten të tjera fitore të tyre.Gjergj KOLA
