Sulmuesi i Barcelonës, Ousmane Dembele, ka qenë në qendër të vëmendjes ditët e fundit. Mungesa e tij në ndeshjen kundër Interi-t, pavarësisht dëmtimit të Messit, ka sjellë shumë komente.
Në vend të tij, Ernesto Valverde, i besoi Rafinhas, duke e lënë në stol Dembelen. Dhe jo vetëm kaq. Dembele nuk u fut as si zëvendësues. Cila ishte arsyeja për këtë vendim? Pse Dembele nuk luajti asnjë minutë në një nga ndeshjet më të rëndësishme të sezonit?
Arsyeja mund të gjendet disa ditë para ndeshjes me Interi-n. Më konkretisht, në ndeshjen mes Barcelonës dhe Sevilla në “Camp Nou”. Reagimi i tij në çastin kur Valverde e thirri për të zëvendësuar Messi-n ka lënë shenjë. Iu deshën 10 minuta për t’u bërë gati.
Madje, francezi nuk i kishte lidhur ende lidhëset e atleteve kur Valverde e thirri, kjo gjë nxehu shumë, jo vetëm trajnerin, por edhe të tjerët që ndodheshin aty. Si ndëshkim, Valverde e la në stol kundër Interi-t. Një mësim për të ardhmen ky për Dembele.
