Vllaznia e ka nisur mirë sezonin, teksa pas 8 ndeshjesh, renditet e para në kampionat me 19 pikë. Në një intervistë të për RTSH Sport, ka folur mesufshori Demir Imeri. 25 vjeçari shprehet se fitorja 1-0 ndaj Partizanit ishte e merituar, pasi dukej dominimi.
Sa i përket objektivave sezonal, Imeri dëshiuron të marrë çdo gjë hap pas hapi. Diçka u tha edhe për ndeshjen e ardhshme ndaj Laçit, me datën 19.
Shkodra– Është kënaqësi të veshësh këtë fanellë. Jam ambientuar shumë shpejt. Këtu në Shkodër është diçka tjetër. Kampionati shqiptar është më i fortë në aspektin fizik, ndërsa ai i Maqedonisë është pak më teknik ( ka luajtur më parë për Shkëndijën).
Fitorja ndaj Partizanit – Pjesën e parë kemi bërë një ndeshje shumë të mirë. I kemi dominuar në çdo aspekt. Tentova atë goditje, por portieri ishte në vendin e duhur. Nuk ka rëndësi kush shënon, por rëndësi ka që jemi në vendin e parë. Secili futbollist është i uritur për fitore. Kur shënojmë, gjithë pankina është në fushë. Kur e shikoj se çfarë trajneri dhe grupi kemi, nuk i frikësohem askujt.
LAÇI – Kanë bërë disa ndryshime, ku kanë marrë Shpëtim Duron. E dijmë që nuk kanë bërë më të mirën, por është ekip për t’u vlerësuar.Kemi kapacitetin të përballojmë si Kupën apo Ligën. Jemi në rrugë të mirë. T’i mbyllim këto ndeshje./newsport/
