Komisioni i Disiplinës ka dhënë sot një dënim të rëndë për klubin e Flamurtarit, duke e degdisur skuadrën jashtë Vlorës për dy ndeshjet e mbetura të këtij sezoni në shtëpi.
Njekohesisht duke dhënë masa të rënda ndëshkimore me një seri pezullimesh për stafin teknik dhe për përfaqësues të klubit, pa llogaritur këtu edhe ato financiare.
Më i godituri nga të gjithë sigurisht që është administratori Sinan Idrizi, të cilin e kanë pezulluar për 18 muaj dhe do të jetë ai që duhet të paguajë në emër të klubit edhe faturat e rënda financiare që shoqërojnë ketë vendim.
I kontaktuar nga “VIP Sport”, Idrizi ka komentuar me ironi këto vendime. “Për hajër na qoftë! Kjo është e vetmja gjë që mund të them.
Të tjerat i kam thënë të gjitha, nuk ka mbetur më. Ndaj them vetëm për hajër na qoftë”, ishte ironia e Idrizit. /vipsport/
