Nje nga futbollistet me virtuoz te dale nga Akademia Vllaznia vitet e fundit padyshim qe eshte Denis Dyca. Por gjerat ne karrieren e tij nuk kane shkuar ashtu si duhet. Ndoshta per mungese fati, ndoshta ngaqe nuk ka ditur te çaje si duhet ne tregun e futbollit, por ai serish ka shpresa.
Mesfushori 24 vjeçar e ka mbyllur sezonin e fundit me Veleçikun teksa kontribuoi jo pak ne qendrimin e kesaj skuadre ne kategorine e pare.
Por ndeshja e fundit e sezonit ndaj Maliqit qe siguroi edhe qendrimin e koplikasve ne kete kategori, ka qene njekohesisht ndeshja e lamtumires se Dyces nga Veleçiku.
Per “Shkodra Sport” ai ka bere te ditur se nuk do te jete pjese e ketij ekipi ne sezonin e ri dhe se eshte vene ne kerkim te nje ekipi tjeter. Per momentin mesohet se ka disa kontakte nga ekipe te kategorise se pare, por kuptohet qe deshira e tij e madhe eshte qe te mund te luaje ne Superlige.
Shansin qe pati pak vite me pare kur ishte pjese e Vllaznise ndoshta nuk e shfrytezoi si duhet dhe per kete arsye, kerkon nje shans te dyte per te treguar vlerat e tij te verteta.
Gjon GJEKA
