Pas fjalëve të përhapura në media se Rudi Vata kishte deklaruar në mediat e huaja që “djali i tij nuk do të luaj me kombëtaren”, ai këtë gjë e ka mohuar kategorikisht. I bërë pjesë në emisionin e Procesit Sportiv Vata sqaroi çështjen e krijuar në vendin tonë.
Ndërsa deputeti Kujtim Gjuzi i kërkoi ta thoshte troç pse nuk e solli djalin në Shqipëri. Sipas këtij të fundit kjo kishte ndodhur për shkak të një inati të vjetër me Dukën.
“Është bërë një zhurmë e madhe. Nuk kam bërë intervistë me asnjë media shqiptare, vetëm me “The Sun” që ishte interesuar sesi Roko shkoi te Irlanda. Babai nuk është pyetur nga askush veçse nga Irlanda. Në këtë moment Roko është vetëm një fëmijë, nuk përflitet për Kombëtaren A. Ne do të shohim edhe zhvillimin e djalit tonë”, u shpreh fillimisht Vata.
Nga studio: A do e sjellësh djalin në Shqipëri?
“Nuk jemi në një situatë që do vijë djali im apo jo? Pasi unë nuk jam pyet. Unë uroj që të vij ajo ditë. Sepse mundësia është. Une smendoj se kjo është një histori e keqe, kjo është një histori e bukur”, tha Vata.
E pyet Kujtim Gjuzi: Ke qenë kapiten i Kombëtares, nuk je askushi. Djalin duhet ta sjellësh këtu. Thuaj troç mos ke inat që nuk je në krye të Federatës? Mos ke inat me Dukën tani?
“Unë kam rreth 29 vite që jam larguar nga Shqipëria. Gjuzi përmende inat. Por një nga gjërat më të mira që kam bërë unë është se nuk u bëra presidenti i Federatës”, u shpreh Rudi Vata/newsport/
