Prej disa javësh, fusha e stadiumit “Niko Dovana” i është nënshtruar një rikonstruksioni total. Lëvizje jo vetëm në skuadër, por edhe në ambientet e shtëpisë së durrsakëve.
Raportohet se janë kryer gjitha punimet nga e para sa i përket drenazhimit dhe shtresavë të rërës. Pritet vetëm mbërritja e tapetit që është porositur në Greqi. Gjithashtu, këto ditë do të mbërrijnë ekspertë grekë për të firmosur përfundimisht kontratën.
Mësohet se cilësia do të jetë maksimale dhe më në fund edhe Durrësi do të ketë një fushë ku mund të luhet me topa të shtruar. Prej vitesh, skuadra e Teutës ishte përballur me problemet me fushën e blertë.
Nëse gjithçka do të shkojë sipas planeve në muajin janar, stadiumi “Niko Dovana” pritet të jetë gati për të pritur ndeshjen e parë në vitin e ri./newsport/
