Prej dites se premte çeshtja e privatizimit te Vllaznise tashme eshte lajmi kryesor ne Shkoder. Kane nisur te behen publike edhe emrat e biznesmeneve te interesuar per blerjen e klubit, por nderkohe ka edhe shume enigma brenda, te cilave ende askush nuk mund t’u jape pergjigje per momentin.
Por nga ana tjeter, ka nje interesim te madh edhe per te ditur se kur do te perfundoje ky proces. Nje ide paraprake e ka dhene edhe juristi Blendi Dibra, i cili eshte edhe krahu i djathte i sponsorit Alban Xhaferi. Ai ka qene i ftuar ne emisionin “Sport Arena” ne TV Rozafa mbremjen e se henes ku ka deklaruar:
“Nese gjerat shkojne ashtu si duhet dhe nuk ka ankimime nga palet pjesmarrese ne ankand, procesi mund te mbyllet per nje periudhe dymujore, megjithate gjerat nuk jane fikse dhe mund te shtyhen. Jane disa procedura qe duhen kryer, duke nisur nga aprovimi i vendimit te Keshillit Bashkiak nga ana e Prefektit etj.
Por mendoj se perpos kesaj jane edhe disa çeshtje te tjera qe duhen sqaruar. Nga sa eshte thene do te shitet vetem aktiviteti tregtar, ndersa ende nuk eshte saktesuar çeshtja e logos dhe menyra e pageses se borxheve. Sipas meje, perpara hapjes se procedurave, Bashkia duhet te kete nje takim me te gjitha palet e interesuara per t’i sqaruar keto çeshtje”./SHKODRA-SPORT.COM/
