Ankesa e bërë nga Besëlidhja për marrjen e fitores në tavolinë ndaj Vllaznisë B për aktivizimin nga ana e kësaj të fundit të futbollistëve Ardit Krymi e Erald Çinari, është refuzuar.
Lezhjanët pretendonin se këta dy futbollistë nuk duhej të luanin ngaqë kanë qenë me kartona me ekipin e parë por në fakt, nuk kanë njohur rregulloren.
Kësaj të fundit i janë referuar pikë për pikë drejtuesit e Vllaznisë që kanë qenë të bindur se kanë vepruar drejt.
Këtë gjë ua ligjëroi sot edhe Komisioni i Disiplinës pranë FSHF-së që në mbledhjen e tij të rradhës, e ka marrë në shqyrtim kërkesën e Besëlidhjes, “duke i lënë me gisht në gojë” drejtuesit lezhjanë.
© shkodrasport.com
