Problemet e ndodhura në ndeshjen Vllaznia- Tirana të së mërkurës për Kupë, janë analizuar në mbledhjen e sotme të Komisionit të Disiplinës pranë FSHF-së dhe ai nuk “e ka ndalur dorën” duke gjobitur klubin shkodran me 1 milionë lekë të vjetra për shishet plastike të hedhura në fushë. Por më të rënda kanë qenë pezullimet për drejtorin sportiv Eugent Zeka që është dënuar 8 ndeshje dhe mesfushorin Ardit Krymi që është dënuar dy ndeshje.
Ky i fundit për rrjedhojë nuk mundet të luajë dot nesër ndaj Kamzës dhe as javën e ardhshme ndaj Partizanit. Ja vendimet e Disiplinës të marra sot:
1.KF ”Vllaznia”, për sjellje të gabuar të spektatorëve duke hedhur mjete brenda rrethimit të fushës, në bazë të nenit 66/1 të KDS, dënohet me gjobë në masën 100.000 (njëqindmijë) lekë.
2.Lojtari i KF “Vllaznia”,Ardit Krymi, për sjellje jo sportive ndaj kundërshtarit, në bazë të nenit 48/1/d) të KDS,dënohet me 2 (dy) ndeshje pezullim nga aktiviteti.
3.Lojtari i KF “Tirana”,Erjon Hoxhallari, për sjellje jo sportive ndaj kundërshtarit, në bazë të nenit 48/1/d) të KDS,dënohet me 2 (dy) ndeshje pezullim nga aktiviteti.
4.Zyrtari i KF “Vllaznia”,Eugen Zeka, për sjellje jo sportive ndaj zyrtarit te ndeshjes, në bazë të nenit 49/2/a) të KDS, dënohet me 8 (tetë) ndeshje pezullim nga aktiviteti. Në bazë të nenit 20 të KDS,zyrtarit i ndalohet qëndrimi në dhomat e zhveshjes, stolin e rezervave dhe territorin përreth fushës.
© shkodrasport.com