Ekipi “Djelmnia shkodrane” U17 vijon te beje nje performance te mire ne kampionatin e kategorise se dyte te kesaj grupmoshe. Diten e djeshme ai ka marre nje tjeter fitore dhe si rrjedhoje ka siguruar fazen play-off te kampionatit, duke qene deri tani brenda objektivit per ngjitjen nje kategori me lart.
“Djelmnia” diten e djeshme ka fituar me rezultatin 2-0 ndaj ekipit te Burrelit. Skuadra e drejtuar nga trajneri Klazer Shkembi ka shenuar nga nje gol per secilen pjese loje. Fillimisht ne te paren me autor futbollistin Julian Bushati dhe ne te dyten me Ermal Hasajn.
Renditja e kampionatit kryesohet nga Fushe- Kruja me 35 pike, ndersa “Djelmnia Shkodrane” eshte e renditur ne vendin e dyte me 31 pike. Ne kete menyre ajo ka siguruar fazen play-off ne te cilen do te vazhdoje rrugetimin per te synuar arritjen e objektivit, ngjitjen ne kategorine e pare.
Po cilet jane lojtaret qe po spikasin tek ky ekip? Jane disa, duke filluar nga portieri Valter Fusha, per te vazhduar me mbrojtesit Nikola Mllugja e Mikel Prendi, mesfushorin Ermal Hasaj, apo dhe sulmuesit Xhovani Hila dhe Julian Bushati apo dhe te tjere. Kampionati vijon dhe “Djelmnia Shkodrane” pritet te vijoje rrugetimin e tij drejt kategorise se pare.(www.shkodrasport.com)
