Klubet angleze duan që të mbyllin këtë sezon në fushën e lojës dhe të mos nisin telashet juridike si ato që kanë pushtuar Franëcn ku kampionati që tani është mbyllur në tavolinë me PSG kampion dhe me skuadrat e tjera për Europën dhe mbijetesën të caktuara falë renditjes aktuale.
Mbledhja e sotme ka zgjatur katër orë dhe në fund ajo që u arrit ishte një akord që të mbyllej kampionati në fushën e lojës, kurdo që të bëhej e mundur kjo nga autoritetet shëndetësore.
Gjithashtu, u vendos që ndeshjet të zhvillohen në 10 stadiume në fushë neutrale, impiante të cilat nuk gjenden brenda zonave urbane të qytetit. Sigurisht, as nuk vihet në diskutim që ndeshjet do të zhvillohen me dyer të mbyllura.
Të premten, klubet do të mblidhen përsëri për të diskutuar situatën e tyre, ndërsa më pas do t’i paraqesin qeverisë angleze planin e masave që kanë ndërmarrë për kthimin sa më të sigurt në stërvitje e më pas atë të ndeshjeve.
Vetëm pas aprovimit të qeverisë, do të jetë e mundru që të rifillojnë aktivitetet sportive e të projektohet kthimi i kampionatit, sipas të gjitha gjasave në gjysmën e muajit qershor. /vipsport/
