Në dy ndeshjet e fundit, Veleçiku ka shënuar plot 7 gola, pikërisht ndaj Dinamos dhe Tërbunit duke treguar në njëfarë mënyrë se problemi që kjo skuadër ka patur me repartin ofensive ka ardhur duke u zgjidhur. Këto gola mbi të gjitha i dhanë koplikasve gjashtë pikë të cilat e kanë përmirësuar shumë gjendjen e tyre në tabelën e klasifikimit.
Në ndeshjen e fundit në Pukë, dy prej katër golave që kanë shënuar futbollistët e drejtuar nga trajneri Besnik Duli mbajnë autorësinë e sulmuesit Donat Toma.
Në një prononcim të shkurtër të dhënë për “Panorama Sport” sulmuesi i Veleçikut është shprehur kështu: “Jam shumë i kënaqur me suksesit e fundit të ekipit të Veleçikut, ku edhe unë kam dhënë kontributin tim. Golat e shënuar nëkëto ndeshje janë dhuratë për shokët e skuadrës, të cilëve u isha borxhli sepse kam shpërdoruar shumë raste në takimet e mëparshme.
Aktualisht grupi është i konsoliduar dhe nuk duhet të gabojmë. Më vjen keq që takimi i rradhës ndaj Egnatias do të luhet pa tifozë në fushën “Reshit Rusi”, por kam besim se do të arkivojmë fitoren e tretë rradhazi”.
Ndeshja Veleçiku- Egnatia do të luhet të shtunën në orën 15.00 në Shkodër dhe kuptohet që është një përballje shumë e rëndësishme sepse koplikasit do të kërkojnë një tjetër fitore për t’iu larguar sa më shumë vendeve të fundit të tabelës dhe fakti që luajnë në fushën e tyre e bën të domosdoshëm marrjen edhe të këtij trepikëshi.
Detyra e Tomës, Ujkajt por edhe e lojtarëve të tjerë të repartit sulmues të Veleçikut është të vazhdojnë të shënojnë sepse nëse ndodh kështu, patjetër që suksesi do të vijë.
© shkodrasport.com
