Ish-sulmuesi i njohur, Edmond Dosti, është i ftuar në studion e emisionit “Sport News Plus”, të moderatores Daljana Sejdia, në televizionin “News 24”. Dosti foli për situatën aktuale në Kategorinë Superiore, ku ndër të tjera u shpreh:
“Është një kampionatet më të bukura, po na le javë pas jave shije shumë të mirë. Nuk po dihet cili do të jetë fituesi në fund të kampionatit.
Ekipet e fundit po luajnë futboll të pastër, të drejtë, nuk po tolerojnë dhe po e bëjnë mjaft të bukur kampionatin. Kampionati është futur në fazën deçizive, janë 10 ndeshje përcaktuese.
Ai ekip që do të ketë përgatitje fizike dhe do ta përballojë nga ana psikologjike, ai do të jetë kampioni i Kategorisë Superiore”, Dosti.
