Erzeni ka arritur të mposhtë Vllazninë në Rrogozhinë në ndeshjen e parë çerekfinale të Kupës së Shqipërisë me rezultatin 2-1.
Sfida nisi me raste nga të dyja skuadrat, por golat erdhën vetëm në pjesën e dytë, me shijakasit që kaluan në avantazh me Asanin në minutën e 63’, në momentin më të mirë të shkodranëve.
Këta të fundit vazhduan të provonin pafund, me golin e barazimit që erdhi vetëm në minutën e 87’ të takimit me Samjlin, por në momentin kur të gjithë mendonin se sfida do të shkonte në barazim, ishte Kacbufi që shënoi vetëm dy minuta më vonë, duke kaluar për herë të dytë në avantazh shijakasit.
Kështu Erzeni hedh hapin e parë drejt kualifikimit në gjysmëfinalen e Kupës së Shqipërisë, teksa Vllaznia do të tentojë përmbysjen në ndeshjen e kthimit në Shkodër.
REZULTATI
ERZENI 2-1 VLLAZNIA
Asani 63′, Kacbufi 89′ / Smajli 87′
