Engin Firat, drejtori sportiv i KF Vllaznia, ka dhënë një intervistë për agjensinë e lajmeve turke “Ihlas” ku ka folur në lidhje me çështjen e marketingut në futbollin e këtij vendi, duke treguar edhe pakënaqësi në lidhje me mënyrën si punohet atje.
Madje, ai ka dashur “t’i japë mend” turqve për të marrë shembullin që po ndjek Vllaznia aktualisht. “Futbolli turk ka një strukturë që nuk është i hapur jashtë vendit. Kohët e fundit kemi parë se vetëm Beshiktash po punon për këtë temë. Megjithatë shohim se ekipe të tjera, kanë si burime të vetme të ardhurash televizionin dhe personat politikë.
Shqipëria nuk ka shumë dallim nga Turqia në lidhje më këtë gjë. Madje atje është me e vështirë sepse arsyeja është se nuk është një vend si Turqia tërheqëse. Kështu që unë kam nevojë të hartojë projekte më të mira këtu”- tha ai.
Më pas Firat ka folur edhe për lëvizjet e fundit që ka ndërmarrë bashkë me klubin Vllaznia për bashkëpunim në Katar. “Vllaznia ka bërë një marrëveshje me një klub në Katar dhe nga kjo kemi përfituar përparësi të konsiderueshme në aspektin e transferimit dhe të sponsorizimit.
Po ashtu, në një projekt tjetër në Nigeri, falë kontaktit me një mikun tim të vjetër atje, Elio Faddoul. Akademia e tij ka nxjerrë shumë talente për vite me rradhë. Ne duam t’i marrin ato tek Vllaznia, t’i promovojmë dhe pastaj t’i shesim në Ligat e Europës. Kjo është një mënyrë për të fituar të gjithë.
Ne trasferuam futbollistin Collins Eziamaka këtë verë dhe do të transferojmë një talent të ri nga Akademia “Derby” këtë dimër. Përveç kësaj, “Kefiano Autos dhe Nasco Group”, një nga kompanitë më të famshme dhe më të mëdha në Nieri, do ta mbështesë Akademinë për sponsorizim dhe marketing”- ka deklaruar Firat.
© shkodrasport.com
