Tek Terbuni shume shpejt do te nise puna per sezonin e ri. Ne fakt ajo tashme ka nisur me perzgjedhjen e trajnerit te ri qe do te jete Alert Alcani, ndersa ne vijim do te vazhdohet me ndertimin e skuadres. Ne lidhje me kete teme ka dhene nje prononcim drejtori teknik i klubit pukjan Viktor Gjoni i cili u shpreh:
“Më në fund e zgjidhem dhe dilemen për trajnerin e ri në sezonin që po vjen mes tre kandidatëve, vendosem për një zgjedhje brënda shtëpisë, pra trajneri Alcani është një njohje e vjetër e klubit tonë dhe ne kemi shumë besim tek aftësitë e Alertit se do të bëjë mjaft mirë me eksperiencen që ka.
Detyra do të jetë e vështirë padyshim për të gjithë ne pasi kampionati këtë sezon do të jetë më i fortë se vitin e kaluar por me punë dhe përkushtim do të arrihen objektivat që ne kemi. Duke parë dhe përformancen shumë të mirë të ekipit tonë sezonin e kaluar me trajner z.Elvin Beqiri ku kemi fituar shumë eksperiencë mendoj se me dy-tre përforcime të spikatura do të jemi ndër ekipet pretendente në kategorinë e parë!
Unë po kontaktoj më shumë lojtar dhe puna ka nisur që para një muaji pothuajse por nuk dua të nxitohem në përzgjedhjen e atyre dy apo tre përforcimeve siç e thashë dhe më lart. Këto përforcime që unë i kam objektiva do të vijnë tek Tërbuni për të bërë padyshim diferencen e madhe në fushë ku do ta ndihmojnë shumë ekipin në ngritjen e nivelit dhe normalisht dhe trajneri Alcani do ta ketë më të lehtë pasi do të jenë emra të ”mëdhenj” në këtë kategori.
Të gjithë duam që ekipi jonë këtë sezon të bëjë atë ”hapin e madh” që nuk arriti dot ta bënte sezonin e kaluar edhe pse kjo nuk ishte e gjitha për fajin tonë por siç e dimë kishte dhe faktor të tjerë por që gjithsesi shpresojmë që këtë vit mos ta pësojmë përsëri si sezonin e kaluar nga faktorë të jashtëm.
